“ఎన్టీఆర్ బయోపిక్” నుంచి తప్పుకొన్న తర్వాత తేజ ఇమ్మీడియట్ గా మొదలెట్టిన సినిమా “సీత”. బెల్లంకొండ శ్రీనివాస్, కాజల్ జంటగా నటించిన ఈ చిత్రం ఈ చిత్రం షూటింగ్ టైమ్ లోనే కాజల్ & బెల్లంబాబు చేసిన హల్ చల్ చూసి చాలా రూమర్లు వచ్చాయి. ఏమైందో ఏమో కానీ.. ఫస్ట్ లుక్ పోస్టర్ రిలీజ్ అనంతరం అంతా ఒక్కసారిగా సైలెంట్ అయిపోయారు. ఎంత సైలెంట్ అంటే అసలు ఇదొక సినిమా ఉందని జనాలు కూడా మర్చిపోయేలా.
షూటింగ్ మొదలై దాదాపు 8 నెలలు పూర్తికావస్తున్నా.. ఏదో బాహుబలి తీస్తున్నట్లు ఇప్పటికీ కేవలం ఫస్ట్ లుక్ మాత్రమే రిలీజైంది. కనీసం టీజరో, ఒక సాంగో రిలీజై ఉంటే బాగుండేది. బెల్లం బాబేమో తన తదుపరి చిత్రంలో బిజీ అయిపోవడం, కాజల్ ఎప్పుడో ఆ ప్రొజెక్ట్ ను పట్టించుకోవడం మానేయడంతో ఆ సినిమా రిలీజ్ మీద డౌట్లు మొదలయ్యాయి. అర్జెంట్ గా డైరెక్టర్ తేజా సినిమా గురించి ఏదో ఒక ఎనౌన్స్ మెంట్ ఇస్తే తప్పితే ఈ ఊహాగానాలు ఆగేలా లేవు.
