మరో ప్లాప్ డైరెక్టర్ కి గ్రీన్ సిగ్నల్ ఇచ్చిన బెల్లంకొండ సాయి శ్రీనివాస్..!

బెల్లంకొండ సాయి శ్రీనివాస్ ఈ ఏడాది ఎట్టకేలకు ‘రాక్షసుడు’ చిత్రంతో మంచి హిట్టందుకున్నాడు. ఈ చిత్రంతో నటుడుగా మంచి మార్కులు వేయించుకున్నాడు బెల్లంకొండ. ఇదివరకూ హిట్ ఉన్న దర్శకులతోనే.. సినిమాలు చేసేవాడు బెల్లంకొండ. అయితే అవన్నీ కాస్ట్ ఫెయిల్యూర్ వల్ల ప్లాపులు అవుతూ వచ్చాయి. ఇక అటు తరువాత కొత్త డైరెక్టర్ తో రక్షణ లేని ‘కవచం’ చేసి అట్టర్ ప్లాప్ అందుకున్నాడు. కానీ అటుతరువాత నుండీ ప్లాపుల్లో ఉన్నప్పటికీ… హిట్టివ్వాలి అనే కసితో ఉన్న డైరెక్టర్లకు ఒకే చెబుతూ వస్తున్నాడు.

ఈ క్రమంలో ‘సీత’ సినిమా ప్లాపైనా.. మంచి అటెంప్ట్ అనే ప్రశంసలు దక్కాయి. ఇక అందరూ మర్చిపోయిన ప్లాప్ డైరెక్టర్ రమేష్ వర్మ తో ‘రాక్షసుడు’ చేసి హిట్ అందుకున్న సంగతి తెలిసిందే. ఇక ఇప్పుడు ‘జక్కన్న’ డైరెక్టర్ తో గజదొంగ టైగర్ నాగేశ్వర రావు బయోపిక్ చేస్తున్నాడు. ఈ చిత్రంతో పాటు ‘కందిరీగ’ ఫేమ్ సంతోష్ శ్రీనివాస్ తో ఓ సినిమా చేయడానికి రెడీ అవుతున్నాడు. ఇప్పటి వరకూ పవన్ కళ్యాణ్ తో సినిమా చేయాలని కథ రెడీ చేసుకుని వెయిట్ చేసిన శ్రీనివాస్.. ఇక వర్కౌట్ అవ్వడాన్ని అదే కథని బెల్లంబాబు తో చేయడానికి రెడీ అయ్యాడని తెలుస్తుంది. ఈమధ్యే బెల్లంకొండ శ్రీనివాస్ ను కలిసి కథ వినిపించాడట. సింగిల్ సిట్టింగ్ లో బెల్లంకొండ… ఆ కథని ఓకే చేసినట్టు తెలుస్తుంది.

సైరా నరసింహారెడ్డి చిత్రంలోని పవర్ ఫుల్ డైలాగ్స్
సైరా సినిమా రివ్యూ & రేటింగ్!