తమిళంలో ఇటీవల విడుదలై సూపర్ హిట్ అయిన ధనుష్ ‘కర్ణన్’ చిత్రాన్ని తెలుగులో కూడా రీమేక్ చేయబోతున్న సంగతి తెలిసిందే. బెల్లంకొండ సాయి శ్రీనివాస్ ఈ రీమేక్ లో హీరోగా నటించబోతున్నాడు. డైరెక్టర్ ఎవరు అనే విషయం పై ఇంకా స్పష్టత రాలేదు.ధనుష్ ‘అసురన్’ ను తెలుగులో రీమేక్ చేస్తున్న శ్రీకాంత్ అడ్డాలనే ‘కర్ణన్’ ను కూడా రీమేక్ చేయబోతున్నట్టు కొద్దిరోజులుగా ప్రచారం జరుగుతుంది. అయితే మరోపక్క మాస్ డైరెక్టర్ వినాయక్ కూడా ఈ రీమేక్ ను డైరెక్ట్ చేసే అవకాశాలు ఉన్నట్టు వార్తలు వస్తున్నాయి.
సరే ఈ విషయాలను పక్కన పెట్టేస్తే.. ‘అసురన్’ రీమేక్ ముందుగా ఓ స్టార్ హీరోతో చేద్దామని ఓ టాప్ ప్రొడ్యూసర్ అతన్ని సంప్రదించాడట. కానీ ఆ హీరో అందుకు నో చెప్పడంతో అది బెల్లంకొండ వద్దకు వెళ్లినట్టు సమాచారం. వివరాల్లోకి వెళితే..ధనుష్ ‘అసురన్’ తెలుగు రీమేక్లో నటిస్తున్న వెంకటేష్ వద్దకే మొదట ‘కర్ణన్’ రీమేక్ వెళ్ళిందట. అతని అన్నయ్య మరియు స్టార్ ప్రొడ్యూసర్ అయిన సురేష్ బాబు.. ‘కర్ణన్’ రీమేక్ హక్కులను కొనుగోలు చేసి వెంకీతో చేయాలని భావించారట.
ఇదే విషయాన్ని.. వెంకీ వద్ద ప్రస్తావించగా.. వెంకీ అందుకు ‘నొ’ చెప్పాడట. ‘ఆ సినిమా టాలీవుడ్లో వర్కౌట్ అవ్వదు’… అంటూ సింపుల్ గా తీసిపారేశాడట. రీమేక్ సినిమాలు అనగానే.. తెగ ఇంట్రెస్ట్ చూపించే వెంకీ.. ‘కర్ణన్’ కు నొ చెప్పడం ఇప్పుడు హాట్ టాపిక్ అయ్యింది. మరి వెంకటేష్ నొ చెప్పిన ‘కర్ణన్’ రీమేక్ తో బెల్లంకొండ శ్రీనివాస్ ఎలాంటి ఫలితాన్ని అందుకుంటాడో చూడాలి..!
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
