ప్రతీ సినిమాకి ఏదో ఒక కొత్తదనాన్ని చూపించాలి అని ప్రయత్నించే హీరోల్లో నందమూరి బాలయ్య ఒకరు. సినిమా రిసల్ట్ ఏమైనా బాలయ్య పట్టించుకోడు. ఎప్పటికప్పుడు ట్రెండ్ కి తగ్గట్టు సరికొత్త పాత్రలు చేస్తూ సరికొత్త ట్రెండ్ ను సెట్ చేస్తాడు, డిఫేరెంట్ గెటప్స్ తో కనిపిస్తూ ఉంటాడు. ఇదిలా ఉంటే అప్పట్లో పంచె కట్టులో అదిరిపోయిన బాలయ్య, ఆ తరువాత ఫ్యాక్షన్ లీడర్ గా సైతం దుమ్ము దులిపేసాడు. అదే క్రమంలో మాఫియా డాన్ వంటి పాత్రల్లో సైతం కనిపించాడు బాలయ్య. ఆయన ఎంత పవర్ఫుల్ పాత్రలో నటిస్తే సినిమా అంత హిట్. అయితే ఆయన ఎన్ని గెటప్స్ వేసినా, తాజాగా వచ్చిన సింహ, లెజెండ్ చిత్రాల్లో ఆయన క్యారెక్టర్ తో పాటు గెటప్ సూపర్ అనే చెప్పాలి. ఇందంతా పక్కన పెడితే…బాలయ్య 100వ సినిమా కోసం ఎదురు చూస్తున్న అభిమానులకు ఆయన 100వ చిత్రంగా క్రిష్ దర్శకత్వంలో ఒక సినిమా ఉంటుంది అన్న వార్త అందరికీ తెలిసిందే. ఇక ఈ వార్త బయటకు వచ్చిన సమయం నుంచి అభిమానులు అంతా ఈ సినిమాలో బాలయ్య ఎలా ఉండబోతున్నాడు. ఆయన పాత్రపై సర్వత్రా చర్చ జరుగుతుంది. ఈ క్రమంలో బాలయ్య గెటప్ టాక్ ఆఫ్ థి టౌన్ గా మారింది. తన 100వ సినిమాకి బాలయ్య సరికొత్త అవతారంలో దర్శనమివ్వబోతున్నాడు. గత కొన్ని రోజులుగా బాలయ్య గెటప్ అదీ చూస్తుంటే అభిమానులకు మతిపోతోంది. గతంలో కడపలో జరిగిన ఒక వేడుకలో పాల్గొన్న బాలయ్య, ఆతరువాత తనపై ఇండియా టుడే వెలువరించిన ప్రత్యేక సంచికను చంద్రబాబు చేతుల మీదుగా ఆవిష్కరించిన సందర్భంగా సైతం బాలయ్య చాలా స్టైలిష్ లుక్ తో కనిపించాడు. ముందు ఊరికే అలా సరదాగా అలా మీసం పెంచుతున్నాడేమో అనుకున్నారంతా. కానీ ఇప్పుడు స్టైలింగ్ అదీ చేయించుకుని.. లుక్ ను మరింత ఆకర్షణీయంగా మార్చుకున్నాడు బాలయ్య. ఇప్పటిదాకా బాలయ్యను రకరకాల లుక్స్ లో చూశాం కానీ.. ఇది ఆయనకు ‘ది బెస్ట్’ లుక్ అనడంలో సందేహం లేదు. తెరవెనుకనే ఇలా ఉంటే….ఇక సింహం తెరపైకి వెళితే…రికార్డుల మోత తప్పదు….అనడంలో సందేహం లేదు.
