Kamal Haasan: ‘భామనే సత్యభామనే’ సమయంలో సరదా సంఘటన!

‘భామనే సత్యభామనే’ సినిమాలో కమల్‌ హాసన్‌ రెండు పాత్రల్లో నటించాడు. అందులో కుర్ర పాత్ర కన్నా, ముసలి పాత్ర అందులోనూ మహిళ పాత్ర అయిన భామా రుక్మిణి మాత్రం అందరికీ గుర్తుండిపోతుంది. కమల్‌ ఆ సినిమా కోసం పడ్డ కష్టం తెలియాలంటే రుక్మిణి పాత్ర కోసం పడ్డ శ్రమ తెలియాలి. మేకింగ్‌ వీడియోలు, అప్పటి విషయాలు యూట్యూబ్‌లో కొంతమంది ప్రముఖులు చెబుతుంటారు చూడండి. అయితే ఆ సినిమా షూటింగ్‌ సమయంలో జరిగిన ఓ ఫన్నీ సంఘటనను కమల్‌ ఇటీవల చెప్పుకొచ్చారు.

‘భామనే సత్యభామనే’ షూటింగ్‌లో రుక్మిణి బామ్మకు సంబంధించిన సీన్స్‌ షూట్‌ చేస్తున్నారట. మొత్తం మేకప్‌ వేసుకొని కమల్‌ హాసన్‌ సెట్‌లోకి వచ్చారట. దీంతో అందరూ వావ్‌ అనుకున్నారట. ఆ పాత్రలో కమల్‌ అలా అమరిపోయారు మరి. అయితే ఓ రోజు నెక్స్ట్‌ సీన్‌ను వివరించడానికి అసిస్టెంట్ డైరక్టర్ కమల్‌ దగ్గరకు వచ్చారట. సీన్‌ చెబుతుంటే అతని చేతులు వణికిపోతున్నాయట. దీంతో ఏమైంది, అంతా ఓకేనా అని అడిగారట కమల్. దానికి ఆ ఏడీ చెప్పిన మాట విని కమల్‌కి నవ్వాగలేదట.

సీన్‌ వింటున్న క్రమంలో కమల్‌ వంటి మీద పైట జారి కింద పడిందట. పైటను చూసి ఆ ఏడీ చేతులు వణికాయట. ఆ విషయం తెలిసి కమల్‌ తిరిగి పైటను సర్దుకోవడంతో మళ్లీ సీన్‌ వివరించడం మొదలుపెట్టాడట ఆ ఏడీ. ఈ విషయాన్ని కమల్‌ ఇటీవల చెప్పుకొచ్చారు. అంతలా పాత్రలో ఆయన పరకాయ ప్రవేశం చేశారు, ఇటు సినిమా సెట్‌లో ఉన్నవారంతా కమల్‌ను రుక్మిణి అనే అనుకున్నారు అన్ని రోజులు అన్నమాట. అయితే ఆ ఏడీ ఎవరు అనే విషయం చెప్పలేదు కమల్‌.

కమల్‌ మేకప్‌ భలే కంగారు పెట్టిందట ఆ ఏడీని. అంతేకాదు మరికొన్ని సీన్స్‌లో ముసలి బామ్మ గెటప్‌లో ఉన్న కమల్‌ను చూసి, చుట్టుపక్కల వాళ్లు నిజమైన మహిళనే అనుకునేవారట. గతంలో ఈ విషయాలు చెప్పి నవ్వుకున్నారు కమల్‌. మీరు కూడా ఆ సినిమా చూసినప్పుడు అలానే అనుకున్నారు కదా.

మేజర్ సినిమా రివ్యూ & రేటింగ్!

Most Recommended Video

విక్రమ్ సినిమా రివ్యూ & రేటింగ్!
వెంకీ టు నితిన్… ఛాలెంజింగ్ పాత్రలు చేసిన 10 మంది హీరోల లిస్ట్
ప్రభాస్ టు నాని… నాన్ థియేట్రికల్ రైట్స్ రూపంలో భారీగా కలెక్ట్ చేసే హీరోలు..!