యూటర్న్ లో భూమిక రోల్ ఇదేనా ?

కన్నడ లో హిట్ సాధించిన “యూ టర్న్” సమంత కి విపరీతంగా నచ్చింది. ఆ కథలో నటించాలని పట్టు బట్టి కన్నడ వెర్షన్ ను డైరెక్టర్ చేసిన పవన్ కుమార్ తోనే తెలుగు వెర్షన్ ని తీయిస్తోంది. ఈ మూవీ రెగ్యులర్ షూటింగ్ గత నెల రాజమండ్రి రోడ్డుపై ప్రారంభమైంది. అక్కడ కొన్ని రోజుల పాటు షూటింగ్ అనంతరం హైదరాబాద్ కి యూనిట్ వచ్చింది. ఇక్కడే ఎక్కువ భాగం  షూట్ చేయనున్నారు. రాహుల్ రవీంద్రన్, ఆది పినిశెట్టి  ముఖ్య పాత్రల్లో కనిపించనున్న ఈ సినిమా గురించి ఆసక్తికర విషయాలు బయటికి వచ్చాయి.

సమంత కెరీర్ లో అత్యంత తక్కువ బడ్జెట్ తో తెరకెక్కుతోన్న సినిమా ఇదేనంట. అంతేకాదు ఈ సినిమాలో జర్నలిస్ట్ పాత్ర కోసం సమంత హెయిర్ ని కట్ చేసుకోవడంతో పాటు.. రెమ్యునరేషన్ కూడా భారీగా తగ్గించుకున్నట్లు తెలిసింది. మరో ముఖ్యమైన విషయం ఏమిటంటే. నిన్నటి హీరోయిన్ భూమిక ఈ సినిమాలో దెయ్యం పాత్రలో కనిపించబోతున్నట్లు సమాచారం. సినిమాలో భూమిక పాత్ర నిడివి తక్కువే అయినప్పటికీ, ఆమె పాత్ర కీలకంగా ఉండబోతోందని సమాచారం. సమంత అభిమానులు ఆసక్తిగా ఎదురుచూస్తున్న ఈ మూవీ నవంబర్ లో థియేటర్లోకి రానుంది.