‘బంగార్రాజు’ సినిమాలో భూమిక రోల్ ఇదే!

‘మన్మథుడు’ సినిమా తరువాత నాగార్జున సోలో హీరోగా మరో సినిమా చేయడానికి కాస్త సమయం తీసుకున్నాడు. ఇప్పుడిప్పుడే సినిమాల విషయంలో జోరు పెంచాడు. అతడి నటించిన ‘వైల్డ్ డాగ్’ సినిమా ఏప్రిల్ లో ప్రేక్షకుల ముందుకు రానుంది. అలానే ప్రవీణ్ సత్తారు దర్శకత్వంలో ఓ యాక్షన్ ఎంటర్టైనర్ సినిమాలో నటిస్తున్నాడు. ఇదిలా ఉండగా.. ఈ హీరో ‘బంగార్రాజు’ ప్రాజెక్ట్ ని పట్టాలెక్కించడానికి సిద్ధమవుతున్నాడు. 2016లో విడుదలైన ‘సోగ్గాడే చిన్ని నాయన’ సినిమాకి సీక్వెల్ గా ఈ కథను తెరకెక్కించనున్నారు.

నిజానికి ఈపాటికే ‘బంగార్రాజు’ సెట్స్ పైకి వెళ్లాలి. కానీ దర్శకుడు కళ్యాణ్ కృష్ణ చెప్పిన కథ నాగ్ కి సంతృప్తిగా అనిపించకపోవడంతో ప్రాజెక్ట్ ఆలస్యమవుతూ వస్తోంది. ఎట్టకేలకు కళ్యాణ్ కృష్ణ తన కథతో నాగ్ ని మెప్పించడంతో షూటింగ్ కి రెడీ అయిపోయారు. తాజాగా ఈ సినిమాకి సంబంధించిన వార్త సోషల్ మీడియాలో చక్కర్లు కొడుతోంది. ఈ సినిమాలో ఒకప్పటి హీరోయిన్ భూమిక ముఖ్య పాత్రలో కనిపించనుందట. కథ ప్రకారం..

భూమిక నెగెటివ్ షేడ్స్ ఉన్న క్యారెక్టర్ లో నటించనుందని టాక్. ‘నరసింహ’ సినిమాలో నీలాంబరి రేంజ్ లో భూమిక పాత్ర ఉంటుందని చెబుతున్నారు. రీఎంట్రీలో అక్క, వదిన పాత్రలను పోషిస్తోన్న భూమిక విలన్ రోల్ లో ఏ మేరకు మెప్పిస్తుందో చూడాలి. అన్ని అనుకున్నట్లు జరిగితే వచ్చే ఏడాది సంక్రాంతికి ఈ సినిమాను విడుదల చేయాలని ప్లాన్ చేస్తున్నారు.

Most Recommended Video

శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!