‘మా'(మూవీ ఆర్టిస్ట్ అసోసియేషన్) ఎన్నిక‌లు ఈసారి మరింత రసవత్తరంగా మారాయి. ప్రకాష్ రాజ్ వంటి అగ్ర నటుడు ఈ సరి బరిలో దిగుతుండడంతో ఈ టాపిక్ పెద్ద ఎత్తున వైరల్ అవుతుంది. అంతేకాదు ‘మా’ ఎన్నికల పై ఎటువంటి న్యూస్ వచ్చినా జనాలు ఆసక్తిగా తెలుసుకుంటున్నారు. ఒకప్పుడు అయితే ఈ ఎన్నికల పై ఇంత ఆసక్తి జనాల్లో ఉండేది కాదు. ప్రకాష్ రాజ్ భోళా మనిషి… ఈసారి పోటీ చేయడమే జనాల్లో ఆసక్తిని పెంచిందని చెప్పొచ్చు. అంతేకాక మెగా స్టార్ చిరంజీవి స‌పోర్ట్ కూడా ప్రకాష్ రాజ్ ప్యానెల్ కు ఉండడంతో .. విజయం ప్రకాష్ రాజ్ దే అని చాలా మంది ఫిక్స్ అయిపోయారు.అయితే ప్రకాష్ రాజ్ కు కూడా కొన్ని మైనస్ పాయింట్లు ఉన్నాయి. ఆ టీం సభ్యులను టెన్షన్ పెడుతున్నవి కూడా ఇవే..!
నిజానికి రెండు ద‌శాబ్దాల క్రితమే ఆయన ‘మా’ స‌భ్యుడు అయ్యారు.కానీ ఇప్ప‌టి వ‌ర‌కు ఆయన `మా`ని ప‌ట్టించుకుంది లేదు. ‘మా’ కు సంబంధించి ఎటువంటి విషయాల్లోనూ ఈయన జోక్యం చేసుకోలేదు..ఇక్కడ జరిగే మీటింగ్ లకు కూడా ఆయన హాజరు కాలేదు. అంతేకాదు ఈయన ఓటు కూడా వేయడానికి రారు అనే వాదన కూడా వినిపిస్తుంది.
ఇక ప్రకాష్ రాజ్.. నాన్ లోకల్ అని విమర్శించే బ్యాచ్ కూడా లేకపోలేదు.
అంతేకాక సెట్లో ప్రకాష్ రాజ్ ప్రవర్తన బాగోదని.. ఆయన టైంకి రారు, సహ నటులతో మాట్లాడరు, మాట్లాడినా వాళ్ళని లెక్క లేనట్టు మాట్లాడతారు అనే ఆరోపణలు కూడా ఉన్నాయి. ఈయన లేట్ గా సెట్ కి రావడం వలన.. స్టార్ హీరోలతో పాటు, దర్శకుడు, నిర్మాత, జూనియర్ ఆర్టిస్ట్ లు.. టైంకి షూటింగ్ ముగించలేక బాధపడుతుంటారని ఆరోపించేవాళ్ళు కూడా ఎక్కువే.!
ఇవి కాక.. గతంలో ప్రకాష్ రాజ్ హిందువుల‌ను.. కాకుల‌తో పోలుస్తూ చేసిన కామెంట్లు కూడా ఆయన పై ఉన్న నెగిటివిటీని పెంచాయి.
ఇప్పుడు ప్రకాష్ రాజ్ కు.. ఛాన్స్ లు తగ్గడం వలన.. ‘మా’ ద్వారా ఆయన మళ్ళీ అందరి దృష్టిని ఆకర్షించాలని చేసే ప్రయత్నాలు కూడా అయ్యుండొచ్చని మరికొంతమంది నటీనటులు అంటున్న మాట.
ఏమైనా ఇవి మాత్రం.. ప్రకాష్ రాజ్ ప్యానెల్ వారిని టెన్షన్ పెట్టె విషయాలే అని చెప్పాలి.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
