కెజిఎఫ్ 2 లో ఆయన కనిపించరట.. !

February 28, 2020 / 02:34 PM ISTByFilmy Focus

Join Us

కెజిఎఫ్ సినిమా 2018లో ఓ సంచలనం. ఎటువంటి అంచనాలు లేకుండా వచ్చిన ఆ చిత్రం బాక్సాఫీస్ వద్ద ఓ ప్రభంజనంలా పేలింది. హీరో యష్ ఫేట్ మార్చివేసిన ఈ చిత్రంలో ప్రతి పాత్ర ప్రేక్షకుల మనసులో నిలిచిపోయింది. అలాంటి పాత్రలలో కన్నడ నటుడు అనంత్ నాగ్ పోషించిన సీనియర్ జర్నలిస్ట్ రోల్ చాలా ప్రత్యేకం. రాఖి మాఫియా సామ్రాజ్యం గురించి అతని పాత్రను పతాక స్థాయిలో ఎలివేట్ చేసే పాత్రలో ఆయన నటన ఓ రేంజ్ లో ఉంటుంది. ఇక ఆయన పాత్రకు తగ్గట్టుగా నటుడు శుభలేఖ సుధాకర్ గంభీరమైన డబ్బింగ్ వాయిస్ తెలుగులో ఆకర్షణగా నిలిచింది.

Big Shock To KFG Movie Lovers1

కాగా కెజిఎఫ్ కి కొనసాగింపుగా దర్శకుడు ప్రశాంత్ నీల్ కెజిఎఫ్ చాప్టర్ 2 తెరకెక్కిస్తున్న సంగతి తెలిసిందే. ఐతే ఈ చిత్రంలో అనంత్ నాగ్ నటించడం లేదట. పాత్రకు ప్రాధాన్యం ఉంటేనే నటించే ఆయనకు దర్శకుడికి మధ్య కొన్ని క్రియేటివ్ డిఫరెన్స్ వచ్చాయట. దీనితో ఈ సినిమా నుండి ఆయన తప్పుకున్నారట. కెజిఎఫ్ లో ఆయన నటించకపోవటం ఆ చిత్రానికి పెద్ద దెబ్బే అనుకోవాలి. ఇటీవల అనంత్ నాగ్ నితిన్ హిట్ మూవీ భీష్మలో కీలక రోల్ చేశారు. ఆర్గానిక్ వ్యవసాయం కోసం పాటు పడే రెస్పాన్సిబుల్ పర్సన్ గా ఆయన నటించి మెప్పించారు.