బిగ్‌బాస్‌లో తొలి వారం బయటకు వెళ్లడానికి బలిపీఠం ఎక్కిందెవరో తెలిసిపోయింది. అదేనండి నామినేషన్ ప్రక్రియ పూర్తయిపోయింది. ‘తొలి వారం ఎలిమినేట్‌ ఎవరిని చేస్తారు’ అంటూ నామినేషన్‌ను బిగ్‌బాస్‌ కిటికీల స్టైల్‌లో ఏర్పాటు చేశాడు. లాంఛింగ్‌ ఎపిసోడ్‌లోనే బిగ్‌బాస్‌ జంటలను క్రియేట్‌ చేసిన విషయం గుర్తుందిగా. ఆ జంటలో ఒకరిని ఎంచుకోమని చెప్పారు. అయితే ఎప్పటిలాగే ‘ఏకాభిప్రాయం’ అని చెప్పి ఎమోషన్లను బయటకు తీశాడు.
అభిజిత్‌- హారిక జోడీతో మొదలైన నామినేషన్ ప్రక్రియ… తో ముగిసింది. ఇంకా అందరితో కనెక్ట్‌ అవ్వలేదంటూ అభిజిత్‌ను నామినేట్‌ చేశారు. హారికను సేవ్‌ చేశారు. ఆ తర్వాత జోడీ సూర్యకిరణ్‌- దేవి నాగవల్లి కిటికీల వెనకక నిలబెట్టారు. తొలి ఎపిసోడ్‌ నుంచే డామినేషన్‌ చేయడానికి ప్రయత్నిస్తున్న సూర్యకిరణ్‌ను అందరూ కలసి నామినేట్‌ చేశారు. మూడో జోడీగా అఖిల్‌ – కళ్యాణి వెళ్లారు. కళ్యాణినే అందరూ నామినేట్‌ చేస్తారు అనుకున్నప్పటికీ… ఈసారి ఆ ఛాన్స్‌ అఖిల్‌ కొట్టేశాడు.
ఇక నాలుగో జోడీ దివి-అమ్మ రాజశేఖర్‌ వంతు వచ్చింది. రాజశేఖర్‌ మాస్టర్‌ను అప్పుడే పంపడం ఎందుకనుకున్నారో, లేక ఎంటర్‌టైన్మెంట్‌ మిస్‌ అయిపోతుంది అనుకున్నారో కానీ దివిని నామినేట్‌ చేసేశారు. ఆ తర్వాతి వంతు మెహబూబ్‌. లాస్యతో కలసి నామినేట్‌ కిటికీల వెనక్కి వెళ్లిన మెహబూబ్‌ ఇంకా అందరితో బాగా కలవలేదనే నెపంతో నామినేట్‌ చేసేశారు. లాస్యను పక్కకు తప్పించారు. ఆ తర్వాతే ఈ రోజు నామినేషన్ ప్రక్రియలో అసలు మజా మొదలైంది. అదే మోనాల్‌- సుజాత జోడీ.
ఎపిసోడ్‌ ప్రారంభంలో సుజాత – కరాటే కళ్యాణి మధ్య జరిగిన చిన్నపాటి మాటల ఘర్షణ నామినేషన్ ప్రక్రియలో హీట్‌ పుట్టించింది. కుకింగ్‌ టాస్క్‌లో నీది తప్పు అంటే నీది తప్పు అనుకుని మాటలు పెరిగాయి. ఎంతమంది ఆపినా కరాటే కళ్యాణి ఆగలేదు… అటువైపు సుజాత కాస్త మెత్తబడింది. కానీ ఆఖరుకు సుజాతనే నామినేట్‌ అయిపోయింది. ఆఖరి నామినేషన్ ప్రక్రియ విషయంలో డ్రామా జరిగింది. అందరూ గంగవ్వను నామినేట్‌ చేసేశారు. నోయల్‌ను నామినేట్‌ చేసి, గంగవ్వను ఇంట్లో ఉంచమంటారు అని అందరూ అనుకున్నారు.
అయితే గంగవ్వను నామినేట్‌ చేసి ఆమెకు ఫ్యాన్స్‌ సపోర్టు ఎలా ఉందో చూపిద్దాం అని ఆమెనే నామినేట్‌ చేసేశారు. ఇక్కడే బిగ్‌బాస్‌ స్ట్రాటజీ కనిపిస్తోంది. ఆమెను నామినేట్‌ చేస్తే బాగా ఓటింగ్‌ జరుగుతుందనుకోవడమే నామినేషన్‌కి కారణమని తెలుస్తోంది. ఏదైతేముంది మొత్తంగా ఈ వారం ఏడుగురు నామినేట్‌ అయ్యారు. వాళ్లెవరంటే అభిజిత్‌, దివి, మెహబూబ్‌, సుజాత, గంగవ్వ, సూర్యకిరణ్‌, అఖిల్‌. చూద్దాం వీరిలో ఎవరు తక్కువ ఓట్లు సాధించి ఎలిమినేట్‌ అవుతారో.
Home