ఈ వారం కెప్టెన్సీ టాస్క్‌గా బిగ్బాస్ ‘రంగుపడుద్ది జాగ్రత్త’ టాస్క్‌ ఇచ్చాడు. కెప్టెన్సీ పోటీలో ఉన్న అభిజీత్, గంగవ్వ, అవినాష్‌, హారికకు రంగునీళ్లు ఉన్న బౌల్స్‌ ఉన్న ఇచ్చారు. టాస్క్‌ ముగిసేసమయానికి ఎవరి బౌల్‌లో ఎక్కువ నీళ్లు ఉంటే వాళ్లు గెలిచినట్లు. అంటే కెప్టెన్‌ అయినట్లు. ఈ సీజన్‌లో కెప్టెన్సీ కోసం జరిగిన ఈ టాస్క్‌ ఎలా సాగిందంటే? అఖిల్‌ సంచాలకుడిగా వ్యవహరించిన ఈ టాస్క్‌ను కూడా ఇంటి సభ్యులు చప్పగా సాగించేశారు.
‘ఇంట్లో వద్దు బయటకు వెళ్లిపోదాం’ అంటూ అభిజీత్ చెప్పడం ఆలస్యం అందరూ బయటకు వచ్చేశారు. తొలుత అభిజీత్ బౌల్‌ను దివి నెట్టేసే ప్రయత్నం చేసింది. కొద్దిగా నీళ్లు కిందపడ్డాయి. ఆ తర్వాత సోహైల్‌, దివి కలసి అభి బౌల్‌లో నీళ్లు మొత్తం కింద పడేసేలా చేశారు. మరోవైపు అవినాష్‌ బౌల్‌లో నీళ్లను నోయల్‌ ఒక్క అటెంప్ట్‌లోనే కింద పడిపోయేలా చేశాడు. అవినాష్‌, అభిజీత్ బౌల్స్‌ ఖాళీ అవ్వడంతో హారిక, గంగవ్వ మాత్రమే పోటీలో నిలిచారు.
హారిక ఓ మూలకు చేరి కాసేపు బౌల్‌లో నీళ్లు పడకుండా చూసుకుంది. కానీ అమ్మ రాజశేఖర్‌, సోహైల్‌, నోయల్‌ కలసి నీళ్లు కిందపడేశారు. దీంతో చుక్క నీళ్లు కింద పడేయకుండా ఉన్న గంగవ్వ గెలచింది. కొత్త కెప్టెన్‌ అయ్యింది. గెలుపు సంబరాల్లో గంగవ్వ కూడా హుషారుగా ఆడింది. రంగునీళ్లు చల్లుతూ హుషారు చూపించింది.
ఇక టాస్క్‌ జరిగిన తీరు చూస్తే…
గత మూడు బిగ్బాస్ సీజన్లలో ఇలాంటి టాస్క్‌లు మనం చూశాం. బౌల్‌లో నీళ్లు ఇవ్వడం, లేదంటే ఏదైన లిక్విడ్‌ ఇవ్వడం లాంటి టాస్క్‌లు జరిగాయి. అయితే ప్రతిసారి పోటీతత్వం కనిపించింది. నీళ్లు పడిపోకుండా ఉండటానికి చాలా ప్రయత్నించారు. కానీ ఈసారి అలాంటిదేం కనిపించలేదు. కారణం కెప్టెన్సీ సపోర్టు చేసేవాళ్లు లేకపోవడం. ఒక్క గంగవ్వకు మాత్రమే సపోర్టు కనిపించింది. ఒకక్క కుమార్ సాయి మాత్రమే అవినాష్‌ కాస్త సపోర్టు చేశాడు. మిగిలినవాళ్లు ఎప్పుడు మిగిలిన ముగ్గురు పార్టిసిపెంట్స్‌ను ఓడించడమే పనిగా పెట్టుకున్నారు.
ఓడించడానికి చూసినవాళ్లందరూ మొన్న ‘ఉక్కు హృదయం’ టాస్క్‌లో ఓడిపోయిన మనుషుల టీమ్‌ సభ్యులే. మరి గెలిచిన టీమ్‌ సభ్యులు ఏం చేశారు అంటే సమాధానం కష్టమే. సపోర్టు చేయాలని అనిపించలేదా? లేక అందరూ కలసి గంగవ్వను గెలిపించాలని చూశారా? ఈ రెండూ కాకుండా టాస్క్‌ను తొందరగా ముగించేసి మనం వేరే పని చూసుకుందాం అనుకున్నారా? అనేది అర్థం కావడం లేదు. అభిజీత్, అవినాష్‌ కనీసం గెలవడానికి ప్రయత్నమే చేయలేదు. హారిక ఆ మాత్రం ఫర్వాలేదనిపించింది. ఏదో నీళ్లు పడకుండా కాసేపు ప్రతిఘటించింది. బిగ్బాస్ ఆడండిరా బాబూ అని టాస్క్‌లు ఇస్తుంటే వీళ్లు ఇలా బొక్క బోర్లా పడేస్తున్నారు. నాగార్జునగారూ.. ఇది చూస్తున్నారా? ఈ వారం ఏమైనా అడుగుతారా?
Most Recommended Video
బిగ్బాస్ 4: ఆ ఒక్క కంటెస్టెంట్ కే.. ఎపిసోడ్ కు లక్ష ఇస్తున్నారట..!
గంగవ్వ గురించి మనకు తెలియని నిజాలు..!
హీరోలే కాదు ఈ టెక్నీషియన్లు కూడా బ్యాక్ – గ్రౌండ్ తో ఎంట్రీ ఇచ్చినవాళ్ళే..!
