బిగ్ బాస్ 4: ఈ ఏడుగురిలో ఒకరు బిగ్ బాస్ నుండి అవుట్..!

ఈ ఆదివారం బిగ్ బాస్ సీజన్ 4 గ్రాండ్ గా మొదలైంది. వివిధ రంగాలకు చెందిన ప్రముఖులు బిగ్ బాస్ సీజన్ 4లో ఇంటి సభ్యులుగా ప్రవేశించే అవకాశం దక్కించుకున్నారు. నోయల్, యాంకర్ లాస్య, కరాటే కళ్యాణి, అమ్మ రాజశేఖర్, హీరో అభిజిత్, గంగవ్వ, హీరోయిన్ మోనాల్ గుజ్జర్ వంటి సెలెబ్రిటీలు ఎంపికైన 15మంది ఇంటి సభ్యులలో ఉన్నారు. ఇక మొదటిరోజు పరిచయ కార్యక్రమాలతో సరిపోగా గత రాత్రి జరిగిన ఎపిసోడ్ 2 నందు కొన్ని ఆసక్తికర సంఘటనలు చోటు చేసుకున్నాయి. ఎపిసోడ్ 2లో బిగ్ బాస్ ఎంపిక చేసిన టాపిక్ పై మాట్లాడుతూ హీరోయిన్ మోనాల్ భావోద్వేగానికి గురయ్యారు. తన గ్రామంలో ఉండే ఇల్లు, బంధుత్వాలు తలచుకొని ఏడ్చేశారు.

మోనాల్ గుజ్జర్ ఎమోషనల్ స్పీచ్ కి గంగవ్వ కూడా కన్నీళ్లు పెట్టుకోవడంతో వీరిని ఇంటి సభ్యులు ఓదార్చారు. ఇక కరాటే కళ్యాణి, జోర్దార్ సుజాత మధ్య జరిగిన గొడవ ఎపిసోడ్ 2 నందు మరో ఆసక్తికర సంఘటన. ఈ విషయంలో కరాటే కళ్యాణి కూడా కన్నీళ్లు పెట్టుకున్నారు. ఇక సోమవారం కావడంతో బిగ్ బాస్ ఎలిమినేషన్స్ కి నామినేషన్స్ ప్రక్రియ మొదలుపెట్టారు. ఈ నామినేషన్ ప్రక్రియలో భాగంగా ఇంటి సభ్యులు తమ అభిప్రాయాల ఆధారంగా ఒకరిని నామినేట్ చేసి మరొకరిని సేవ్ చేయాలని చెప్పడం జరిగింది.

మొత్తం కంటెస్టెంట్స్ ని ఏడు జంటలుగా ఏర్పాటు చేసిన బిగ్ బాస్, ప్రతి ఒక జంట చెరో కిటికీ వద్ద నిల్చోవాలని, వారిద్దరిలో ఇంటి సభ్యులు ఒకరిని సేవ్ చేసి మరొకరిని ఎలిమినేషన్ కి నామినేట్ చేయాలని ఆదేశించారు. ఇంటి సభ్యులలో ఎక్కువమంది చేత ఎలిమినేషన్ కి నామినేట్ అయినవారు ఈ వారం ఎలిమినేషన్ లిస్ట్ లో వచ్చి చేరారు.గంగవ్వ, మెహబూబ్, అభిజిత్, సూర్య కిరణ్, సుజాత, అఖిల్ సార్తక్, దివి మొదటివారానికి గానూ ఎలిమినేషన్ కి నామినేట్ కావడం జరిగింది. ఈ ఏడుగురిలో ఒకరు వచ్చే వారం బిగ్ బాస్ హౌస్ నుండి ఎలిమినేట్ కానున్నారు.

Most Recommended Video

వి సినిమా రివ్యూ & రేటింగ్!
టాలీవుడ్ హీరోయిన్స్ రెమ్యూనరేషన్స్ లిస్ట్…!
ఆ చిత్రాలు పవన్ చేసి ఉంటే బాక్సాఫీస్ బద్దలు అయ్యేది..!