Bigg Boss 5 Telugu: పవర్ రూమ్ లో రవి పేరు ఎందుకు చెప్పాడు..?

September 8, 2021 / 06:47 AM ISTByFilmy Focus

Join Us

Bigg Boss 5 Telugu: పవర్ రూమ్ లో రవి పేరు ఎందుకు చెప్పాడు..?

బిగ్ బాస్ హౌస్ లో ఏదైనా జరగచ్చు. ముఖ్యంగా టాస్క్ లు ఆడేటపుడు ఎంత గొప్ప ప్రెండ్స్ అయినా సరే విరోధులు అయిపోతారు. బిగ్ బాస్ తెలుగు సీజన్ 5 లో ఇప్పుడు అదే జరుగుతోంది. ఫస్ట్ డేనే బాగా ప్రెండ్షిప్ ఉన్నవాళ్లు కూడా ఒకరినొకరు నామినేట్ చేస్కున్నారు. ఇక సెకండ్ డే పవర్ రూమ్ కోసం శక్తిచూపరా ఢింబకా అనే టాస్క్ ఇచ్చాడు బిగ్ బాస్. ఇందులో ఫస్ట్ విశ్వ పవర్ రూమ్ యాక్సెస్ ని దక్కించుకున్నాడు.

ఇక్కడ బిగ్ బాస్ విశ్వకి ఒక టాస్క్ ఇచ్చాడు. ఒక ఇద్దరు హౌస్ మేట్స్ పేర్లు చెప్తే వారికి సంబంధించిన బట్టలు , వస్తువులు అన్నీ కూడా బిగ్ బాస్ కి ఇచ్చేయాలని కండీషన్ పెట్టాడు. అంతేకాదు, వారు అపోజిట్ జెండర్ డ్రెస్ వేస్కుని హౌస్ లో తిరగాలని చెప్పాడు. దీంతో విశ్వ రవి ఇంకా ప్రియ పేర్లు చెప్పాడు.దీంతో రవి పెట్టీ కోట్ వేస్కుని కాసేపు హౌస్ లో ఫన్ చేశాడు. ఆ తర్వాత విశ్వ రవి స్పోర్టివ్ నెస్ కి ఫిదా అయిపోయాడు. రవి ఇలా ఉంటాడని తనకి తెలుసు అని, తనని ఒక బ్రదర్ లా చూస్తానని చెప్పాడు.

అంతేకాదు, రీసంట్ గా చనిపోయిన తన బ్రదర్ ని తలుచుకుని ఎమోషనల్ అయిపోయాడు విశ్వ. దీంతో అక్కడే ఉన్న రవి విశ్వని ఓదార్చాడు. మా ఇద్దరిమద్యలో బాండింగ్ ఉంది కాబట్టే రవి పేరు చెప్పాను అని, తను ఎప్పుడూ నన్ను విశ్వ అన్న అంటుంటే నాకు మా బ్రదర్ గుర్తుకు వస్తాడని చెప్పాడు. ఐలవ్ యూ డార్లింగ్ అంటూ రవిని హగ్ చేస్కున్నాడు.