మొదట్లో కొన్ని సీరియల్స్ లో నటించినప్పటికీ.. ‘బిగ్ బాస్4’ ద్వారానే మంచి క్రేజ్ ను సంపాదించుకున్నాడు అఖిల్ సార్థక్. హౌస్ లో ఉన్నన్ని రోజులు మరో కంటెస్టెంట్ అభిజీత్ తో వివాదాలు అలాగే మోనాల్ తో రొమాన్స్ వంటి అంశాలతో ఇతను ఎక్కువగానే వార్తల్లో నిలుస్తూ వచ్చాడు. అయినప్పటికీ టాస్క్ లు ఎంతో స్పోర్టివ్ గా తీసుకుని ఆడడంతో ఇతను టాప్ 5 కు వెళ్లే అర్హతను సంపాదించుకున్నాడు. ఇతను కూడా విన్నర్ అయ్యే అవకాశాలు ఉన్నాయని అప్పట్లో చాలా డిస్కషన్లు జరిగాయి కానీ ఫైనల్ రన్నరప్ గా నిలిచాడు. ఇదిలా ఉండగా..
‘బిగ్ బాస్4′ ద్వారా ఏర్పడ్డ క్రేజ్ కారణంగా అఖిల్ కు సినిమాల్లో నటించే అవకాశాలు కూడా వస్తున్నాయి. ఇటీవల అఖిల్ సార్థక్ హీరోగా ‘ఫస్ట్ టైమ్‌’ అనే చిత్రం ప్రారంభం అయ్యింది.హేమంత్‌ డైరెక్ట్ చేస్తూ నిర్మిస్తున్న ఈ చిత్రానికి సంబంధించి ఫస్ట్ లుక్ పోస్టర్ కూడా విడుదల అయ్యింది. కాగా దీని ప్రమోషన్లలో భాగంగా అఖిల్ ఓ ఇంటర్వ్యూలో పాల్గొన్నాడు.’ ‘బిగ్ బాస్4’ రన్నరప్‌గా బయటకు వచ్చిన తర్వాత ఎన్నో సినిమాల్లో నటించే అవకాశాలు వచ్చాయని…
ఈ క్రమంలో 26 కథలు విన్నానని.. నచ్చకపోవడంతో వాటిని రిజెక్ట్ చేసానని, ‘ఫస్ట్ టైమ్‌’ కథ మాత్రం బాగా నచ్చడంతో ఓకే చేసానని.. ఇందులో అన్ని అంశాలు ఉన్నాయని , స్క్రిప్ట్‌ విన్న వెంటనే ఓకే చెప్పేశానని’ అఖిల్ సార్థక్ చెప్పుకొచ్చాడు. అయితే ఏకంగా 26 కథలు రిజెక్ట్ చేసానని చెప్పడం అతి అనిపించింది అంటూ కొందరు నెటిజన్లు అఖిల్ పై కామెంట్లు చేస్తుండడం గమనార్హం.
Most Recommended Video
‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!
