బుల్లితెర పై ప్రసారమవుతున్న అతిపెద్ద రియాలిటీ షోలలో బిగ్ బాస్ రియాలిటీ షో ఒకటి. ప్రస్తుతం ఈ కార్యక్రమం తెలుగులో ఆరవ సీజన్ ప్రసారం కావడానికి సిద్ధమవుతుంది. వచ్చేనెల మొదటి వారంలో ప్రసారం కానున్న ఈ కార్యక్రమానికి సంబంధించిన సందడి మొదలైందని చెప్పాలి. ప్రస్తుతం ఐదు సీజన్లను పూర్తి చేసుకున్న ఈ కార్యక్రమం ఆరవ సీజన్ కు సిద్ధమైంది. ఈ సీజన్ ఎంతో ఎంటర్టైనింగ్ ఉండబోతుందని తెలుస్తోంది. గతంలో కంటెస్టెంట్ ల ఎంపిక విషయంలోనూ అలాగే వారు ప్రవర్తించిన తీరు పట్ల బిగ్ బాస్ కార్యక్రమం ఎన్నో విమర్శలను ఎదుర్కొన్న సంగతి మనకు తెలిసిందే.
అయితే ఈ సీజన్లో అలాంటి ఇబ్బందులు లేకుండా ఎంతో పటిష్టంగా అన్ని చర్యలు తీసుకోనున్నట్లు సమాచారం.ఇకపోతే ఈ కార్యక్రమంలో ఎప్పుడూ కూడా యాంకర్లు, యూట్యూబర్స్, టీవీ ఆర్టిస్టులు, హీరోయిన్లు ఎంట్రీ ఇస్తున్నారు. ఈ క్రమంలోనే ఈసారి కూడా వీరితో పాటు ఒక కామన్ మ్యాన్ ఎంట్రీ ఉండబోతుందని తెలుస్తుంది.బిగ్ బాస్ నిర్వాహకులు ఒక సెంటిమెంట్ ఫాలో అవుతున్నారు ప్రతి సీజన్లోనూ తప్పనిసరిగా టీవీ9 యాంకర్ ను కంటెస్టెంట్ గా తీసుకురావడం మనం చూస్తున్నాము.
ఈ క్రమంలోనే ఈసారి కూడా నిర్వాహకులు అదే సెంటిమెంట్ ఫాలో అవుతున్నట్లు తెలుస్తోంది. ఆరవ సీజన్లో కూడా టీవీ9 యాంకర్ ఉండబోతుందని సమాచారం. ఇప్పటికే ఈ కార్యక్రమంలోకి యంగ్ హీరో నాగ్ అశ్విన్ వస్తున్నారని వార్తలు వచ్చినప్పటికీ ఏ విధమైనటువంటి అధికారిక ప్రకటన వెలువడలేదు.
అయితే తాజాగా ఎంతో మంచి పేరు సంపాదించుకున్న యాంకర్ అంజలి బిగ్ బాస్ సీజన్ 6 కార్యక్రమంలో పాల్గొనబోతున్నారని సమాచారం. మరి ఈ విషయం గురించి వస్తున్న వార్తలలో ఎంతవరకు నిజం ఉందో తెలియాలంటే కొద్ది రోజులు వేచి చూడాలి. మరి కొద్ది రోజుల్లోనే ఈ కార్యక్రమంలో పాల్గొనే కంటెస్టెంట్ ల లిస్టును బిగ్ బాస్ అధికారికంగా ప్రకటించనునట్లు సమాచారం.
Most Recommended Video
సీతారామం సినిమా రివ్యూ & రేటింగ్!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
