Bigg Boss Sujatha: పెళ్లిపై ఆసక్తికర వ్యాఖ్యలు చేసిన బిగ్ బాస్ సుజాత!

బుల్లితెర రియాలిటీ షోలలో ఒకటైన బిగ్ బాస్ షో ద్వారా భారీస్థాయిలో పాపులారిటీని సొంతం చేసుకున్న కంటెస్టెంట్లలో సుజాత ఒకరు. బిగ్ బాస్ హౌస్ లో నాగార్జునను బిట్టూ బిట్టూ అని పిలిచి ప్రేక్షకులకు చిరాకు తెప్పించిన సుజాత బిగ్ బాస్ షో తర్వాత పలు కామెడీ ప్రోగ్రామ్స్ లో గెస్ట్ అప్పియరెన్స్ ఇచ్చి ప్రేక్షకులను ఆకట్టుకున్నారు. బిగ్ బాస్ షో ద్వారా ప్రేక్షకుల్లో పాపులారిటీ, ఫ్యాన్ ఫాలోయింగ్ పెరగడంతో సుజాత సోషల్ మీడియాలో కూడా యాక్టివ్ గా ఉంటున్నారు.

తీన్మార్ కార్యక్రమం ద్వారా గుర్తింపు తెచ్చుకున్న సుజాత ఆ తర్వాత జోర్దార్ కార్యక్రమం ద్వారా పాపులారిటీని పెంచుకున్నారు. తెలంగాణ మాండలికంలో వార్తలు చెప్పడం ద్వారా సుజాత ప్రేక్షకులను బాగా ఆకట్టుకున్నారు. తాజాగా ఇన్ స్టాగ్రామ్ లో ఆస్క్ మీ ఎనీథింగ్ అంటూ సుజాత అభిమానులకు ప్రశ్నలు అడిగే అవకాశం ఇచ్చారు. నెటిజన్లలో ఎక్కువమంది సుజాతను పెళ్లి గురించి అడిగారు. ఆ ప్రశ్నకు మొదట జరిగినప్పుడు అవుతుందంటూ సుజాత సమాధానం ఇచ్చారు.

అయితే నెటిజన్ల నుంచి పదేపదే పెళ్లికి సంబంధించిన ప్రశ్నలు ఎదురుకావడంతో తన తండ్రితో కలిసి దిగిన ఫోటోను షేర్ చేస్తూ అందాల రాక్షసి సినిమాలో లావణ్య త్రిపాఠి చెప్పిన విధంగా నెటిజన్ల నుంచి పెళ్లికి సంబంధించిన ప్రశ్న వినడం నా వల్ల కావట్లేదని నాకు త్వరగా పెళ్లి చేసేయండి నాన్న అంటూ సుజాత కామెంట్ పెట్టారు. బిగ్ బాస్ సీజన్ 5 కంటెస్టెంట్లలో యాంకర్ రవి అంటే తనకు ఇష్టమని సుజాత అన్నారు. బిగ్ బాస్ షో తర్వాత సుజాతకు ఆఫర్లు పెరిగాయనే సంగతి తెలిసిందే.

పుష్పక విమానం సినిమా రివ్యూ & రేటింగ్!

Most Recommended Video

ప్రకటనలతోనే ఆగిపోయిన మహేష్ బాబు సినిమాలు ఇవే..!
రాజా విక్రమార్క సినిమా రివ్యూ & రేటింగ్!
3 రోజెస్ వెబ్ సిరీస్ రివ్యూ & రేటింగ్!