బిగ్‌బాస్ 4: కిల్లర్‌ కాయిన్స్‌ ఆటలో అందరూ దొంగలే?

కెప్టెన్సీ టాస్క్‌ అని బిగ్‌బాస్‌ అన్నాడనో లేక ఇంటి సభ్యులే సీరియస్‌గా తీసుకున్నారో కానీ… ‘కిల్లర్‌ కాయిన్స్‌’ టాస్క్‌ భలే మజాగా సాగుతోంది. మంగళవారం ఎపిసోడ్‌లో కాయిన్స్‌ పడీ పడీ మరి పట్టుకున్న ఇంటి సభ్యులు… ఆ తర్వాత టీమ్‌లుగా విడిపోయి పంచుకోవాలని అనుకున్నారు. అయితే బిగ్‌బాస్‌ వారి ‘రాజీ’ ఆటకు అడ్డుకట్ట వేశాడు. దీంతో దొంగతనానికి సిద్ధమయ్యారు. ఎవరు, ఎవరి కాయిన్స్‌ కొట్టేశారు… ఎక్కడ దాచారు అనేది ఈ రోజు చూపించబోతున్నారు.

వీళ్లు, వాళ్లు అనే భేదం లేకుండా… బిగ్‌బాస్‌ ఇంట్లో దొంగలుగా మారిపోయారు. హౌస్‌మేట్స్‌ కష్టపడి పట్టుకున్న, కష్టపడి కొట్టేసిన వాటిని… గజ దొంగల్లాగా మిగతా వాళ్లు కొట్టేశారు. అయితే ఈ కొట్టేయడం చేసేవాళ్లకు ఎంత ఆనందాన్నిస్తుందో… చూసేవాళ్లకు అంతకుమించి ఆనందాన్ని ఇస్తుంది. ఈ విషయంలో ఈ రోజు ప్రోమో చూస్తేనే అర్థమైపోతోంది. బిగ్‌బాస్‌ వద్దని చెప్పినా కూడా… హౌస్‌మేట్స్‌ టీమ్‌లుగా విడిపోయి దొంగిలించడం మొదలుపెట్టారు. అఖిల్‌ దాచుకున్న కాయిన్స్‌.. అమ్మ రాజశేఖర్‌ మాస్టర్‌ న్యాక్‌గా కొట్టేశాడు. నోయల్‌ నిద్రోతుంటే… మెహబూబ్‌ ‘వంద’లు ఎత్తేశాడు.

ఆరియానా, లాస్య, సోహైల్‌ కలసి ఎవరిదో మంచం కింద కాయిన్స్‌ మూట లేపేశారు. ఆ తర్వాత కుమార్‌ సాయి దుప్పట్లో దాచుకున్న కాయిన్స్‌… కట్‌ చేసి తీసుకున్నాడు సోహైల్‌. అమ్మ రాజశేఖర్‌ జాగ్రత్తగా బెడ్‌ కింద దాచుకున్న కాయిన్స్‌ను సోహైల్‌ కొట్టేసి… తీన్మార్‌ డ్యాన్స్‌ కూడా వేశాడు. ఆఖరున అవినాష్‌కు మాస్టర్‌ ఝలక్‌ ఇచ్చాడు. కాయిన్స్‌ మూట ఎత్తేసి మంచం కింద దాచేసి గమ్మున కూర్చున్నాడు. ఆఖరులో హారిక కూడా తెలివిగా కాయిన్స్‌ ఎత్తేసి.. ముసుగేసి నిద్రపోయింది. ఇదంతా చూస్తుంటే ఈ రోజు భలే ఫన్‌ వచ్చేలా కనిపిస్తోంది.

బిగ్‌బాస్‌లో రోజూ వినే గొంతు… ఈయనదే!
రజినీ టు ఎన్టీఆర్.. జపాన్ లో కూడా అదరకొట్టిన హీరోలు వీళ్ళే..!
కోలీవుడ్లో ఎక్కువ పారితోషికం తీసుకునే హీరోలు వీళ్ళే..!