Bindu Madhavi: పెళ్లి గురించి బిందుమాధవి అలా అన్నారా?

May 25, 2022 / 10:46 AM ISTByFilmy Focus

Join Us

Bindu Madhavi: పెళ్లి గురించి బిందుమాధవి అలా అన్నారా?

డిస్నీ ప్లస్ హాట్ స్టార్ లో ప్రసారమైన బిగ్ బాస్ నాన్ స్టాప్ తెలుగు షోకు బిందుమాధవి విన్నర్ గా నిలిచారనే సంగతి తెలిసిందే. తెలుగమ్మాయి అయిన బిందుమాధవి ఈ షోకు విన్నర్ కావడంతో ఆమె ఫ్యాన్స్ ఎంతగానో సంతోషిస్తున్నారు. అయితే బిందుమాధవి సినిమాల్లో అవకాశాలు తగ్గినా పెళ్లికి దూరంగా ఉన్నారనే సంగతి తెలిసిందే. ఒక ఇంటర్వ్యూలో బిందుమాధవి తండ్రి మాట్లాడుతూ ఆమె పెళ్లికి సంబంధించి షాకింగ్ కామెంట్లు చేశారు.

బిగ్ బాస్ షోకు విజేతగా నిలవడంతో బిందుమాధవికి ట్రోపీ, 40 లక్షల రూపాయల ఫ్రైజ్ మనీ దక్కింది. బిగ్ బాస్ షోతో ఊహించని స్థాయిలో గుర్తింపు రావడం వల్ల వరుస ఇంటర్వ్యూలతో బిందు మాధవి, ఆమె కుటుంబ సభ్యులు బిజీ అవుతున్నారు. బిందుమాధవి పెళ్లి గురించి ఆమె తండ్రి స్పందిస్తూ బిందుకు ఎప్పుడైతే ఇష్టం ఉంటుందో అప్పుడే పెళ్లి చేస్తామని బిందు పెళ్లి గురించి తాము ఆలోచించడం లేదని అన్నారు.

బిందు బీటెక్ చదివే సమయంలో పెళ్లి గురించి ఒత్తిడి చేశానని ఆ సమయంలో మంచి సంబంధాలు వచ్చాయని ఆయన అన్నారు. బిందు సినిమాలలోకి వచ్చిన తర్వాత కొన్ని సంబంధాలు చూసినా ఒప్పుకోలేదని ఆమె తండ్రి వెల్లడించారు. పెళ్లి గురించి అడిగితే తాను చిన్నపిల్లను కాదని నేను చూసుకుంటానని ఆమె చెప్పేదని నేను చెప్పిన సమయంలో పెళ్లి చేయండని బిందు చెప్పిందని బిందు తండ్రి తెలిపారు.

పిల్లల అభిలాషలకు, ఆకాంక్షలకు అనుగుణంగా పేరెంట్స్ ప్రవర్తించాల్సిన బాధ్యత వాళ్లపై ఉందని పెళ్లి గురించి పూర్తిగా బిందు ఇష్టానికే వదిలేశానని ఆమె తండ్రి చెప్పారు. బిగ్ బాస్ షోకు విన్నర్ గా నిలవడంతో బిందు మాధవికి సినిమా ఆఫర్లు కూడా వస్తున్నాయని తెలుస్తోంది. బాలయ్య అనిల్ రావిపూడి కాంబో మూవీలో కీలక పాత్ర కోసం బిందు మాధవి ఇప్పటికే ఎంపికైంది.