ఆశ్చర్యపరచిన అరవింద్ స్వామి..!

అరవింద్ స్వామి, జయం రవిలు కలిసి నటించిన ‘తనిఒరువన్’ తమిళ బాక్సాఫీస్ వద్ద ఎంతటి ఘన విజయాన్ని సాధించిందో అందరికీ తెలిసిందే. తనిఒరువన్ చిత్రం మళ్లీ వీరిద్దరు కలిసి బోగన్ చిత్రంలో నటిస్తుండగా.. ఇద్దరూ కూడా పోలీస్ వేషధారణలో కనిపించి అందరినీ ఆశ్చర్యపరిచారు. లక్ష్మణ్ దర్శకత్వంలో బోగన్ చిత్రం తెరకెక్కుతుండగా.. ఈ చిత్రం మొదటి షెడ్యూల్ పూర్తి చేసుకున్నట్లు ఆయన తెలిపారు. ఈ షెడ్యూల్ లో అరవింద్ స్వామి పాల్గొనగా..

జైల్ లాగా వేసిన ప్రత్యేక సెట్ లో చిత్రీకరించిన సన్నివేశం ఒకటి ప్రత్యేకంగా నిలుస్తుందని ఆయన పేర్కొన్నారు. ఈ చిత్రంలో జయం రవి సరసన హాన్సిక, అక్షర గౌడలు జంటగా నటిస్తున్నారు. డి. ఇమ్మోన్ స్వరకర్త. మరోవైపు ఈ చిత్ర బృందం త్వరలోనే ఫ్రాన్స్ వెళ్లనుండగా.. అక్కడ ఓ పాటతో పాటు పలు సన్నివేశాలను చిత్రీకరించనున్నారు.