‘ఓరు అదార్ లవ్’ చిత్రంలో ఒక్క సారి కన్ను గీటి దేశవ్యాప్తంగా పాపులర్ అయిపొయింది ప్రియా ప్రకాష్ వారియర్. అదే చిత్రాన్ని తెలుగులో ‘లవర్స్ డే’ పేరుతో విడుదల చేశారు కూడా. అయితే ఈ చిత్రం పెద్ద ప్లాప్ అవ్వడంతో తరువాత ప్రియా ప్రకాష్ ను పెద్దగా పట్టించుకోలేదు. కానీ ఇప్పుడు మళ్ళీ మరోసారి వార్తల్లో నిలిచింది ప్రియా ప్రకాష్. విషయం ఏమిటంటే ఆమె తాజాగా నటించిన హిందీ చిత్రం ‘శ్రీదేవి బంగ్లా’ కు కొత్త సమస్యలు వచ్చి పడ్డాయి. కొద్దినెలల క్రితం విడుదలైన ఈ చిత్రం ట్రైలర్ పెద్ద దుమారమే రేపింది.
అందుకు కారణం ‘శ్రీదేవి బంగ్లా’ ట్రైలర్లో శ్రీదేవి జీవితానికి సంబందించిన అంశాలు ఉండడమే..! ట్రైలర్ లో నటి శ్రీదేవి జీవితంతో పాటు, ఆమె దుబాయ్ హోటల్ లో మరణించిన తీరును పోలిన సన్నివేశాలను చూపించాడు దర్శకుడు. దీంతో బోనీ కపూర్ షాకయ్యారు. ‘శ్రీదేవి బంగ్లా’ చిత్ర యూనిట్ కు చిత్ర టైటిల్ లో శ్రీదేవి పేరుని తొలగించడంతో పాటు, ఆమె మృతిని పోలిన విధంగా ఉన్న సన్నివేశాలను సైతం తొలగించాలని లీగల్ నోటీసులు పంపించారు. కానీ ఆ చిత్ర నిర్మాతలు స్పందించలేదు. దీంతో మరోసారి మరో మారు వారికి లీగల్ నోటీసులు పంపారు బోనీ కపూర్. ఎప్పుడో విడుదల కావాల్సిన శ్రీదేవి బంగ్లా మూవీ వాయిదా పడుతూ వస్తుంది. ప్రప్రధమంగా శ్రీదేవి పేరు ఉండకూడదని ఆ నోటీసులో పేర్కొన్నారు. ఇదిలా ఉంటే… ఈ సినిమా పై ఇన్ని వివాదాలు చోటుచేసుంటున్నప్పటికీ… బాలీవుడ్ స్టార్ హీరో సల్మాన్ ఖాన్ సోదరుడు, నిర్మాత అర్బాజ్ ఖాన్ ఇందులో గెస్ట్ రోల్ లో నటించడానికి అంగీకరించారు. సినిమాకు, శ్రీదేవి జీవితానికి ఎటువంటి పోలికలు లేవని తెలిసాకే ఈ చిత్రంలో నటించేందుకు అంగీకరించానని ఆయన తెలిపాడు.
