తెలుగు వెండితెర లెజెండ్స్ లో సావిత్రి ఒకరు. ఆమె నటించిన సినిమాలు అప్పట్లో కాసుల వర్షం కురిపించాయి. సావిత్రి ఉంటే చాలు మహిళ లోకం థియేటర్లలో వాలిపోయేది. ఆమెకున్న క్రేజ్ అటువంటిది. అందుకే సావిత్రిని బాక్సాఫీస్ క్వీన్ అని పిలుచుకునేవారు. ఇప్పటికీ ఆమె క్రేజ్ తగ్గలేదు. 40 సంవత్సరాల తర్వాత కూడా సావిత్రి బాక్సాఫీస్ వద్ద హంగామా చేస్తున్నారు. ఆమె జీవితంపై నాగ్ అశ్విన్ తీసిన సినిమా మహానటి అందరినీ ఆకట్టుకుంటోంది. కీర్తి సురేష్ లో సావిత్రి ఆవహించిందేమో అన్న రీతిలో ఆశ్చర్యం కలిగిస్తోంది. అలాగే దుల్కర్ సల్మాన్, సమంత, విజయ్ దేవరకొండ, అందుకే తెలుగు రాష్ట్రాల్లోనే కాకుండా ఈ మూవీ ఓవర్సీస్ లోను అత్యధిక కలక్షన్స్ సాధిస్తోంది.
అక్కడి ట్రేడ్ వర్గాల లెక్కల ప్రకారం ప్రీమియర్ల ద్వారానే 303,456 డాలర్లను వసూలు చేసిన ఈ మూడు రోజుల్లోనే 900,000 డాలర్లను ఖాతాలో వేసుకుని రికార్డ్ సృష్టించింది. తాజా లెక్కల ప్రకారం ఈ సినిమా 1.5 మిలియన్ డాలర్ల మార్క్‌ని దాటేసింది. స్టార్ హీరోల సినిమాలకు సమానంగా వసూళ్లు రాబడుతోంది. ఈ చిత్రానికి వస్తున్న రెస్పాన్స్ చూసి మరిన్ని షోలను వేయడానికి ప్రయత్నాలు చేస్తున్నారు. ఈ లెక్కన సులువుగా రెండు మిలియన్ డాలర్ మార్క్ ని మహానటి చేరుకుంటుందని సినీ విశ్లేషకులు అంచనా వేస్తున్నారు. వైజయంతి మూవీస్ బ్యానర్ పై స్వప్న దత్, ప్రియాంక దత్ లు నిర్మించిన ఈ మూవీ మరిన్ని రికార్డులను సాధించే దిశగా వెళుతోంది
