బాలయ్య, బోయపాటి సినిమాపై అప్డేట్!

బాలకృష్ణ, బోయపాటి శ్రీను కాంబినేషన్‌లో రాబోతున్న సినిమాపై ప్రేక్షకుల్లో భారీ అంచనాలు నెలకొన్నాయి. వీరిద్దరిదీ సక్సెస్‌ఫుల్ కాంబో కావడం.. పైగా ‘సింహా, లెజెండ్’ లాంటి భారీ హిట్ల తర్వాత ఇద్దరి కాంబోలో వస్తున్న సినిమా కావడంతో బాలయ్య ఫ్యాన్స్ ఆతురతగా ఎదురుచూస్తున్నారు. ప్రస్తుతం ఈ సినిమా షూటింగ్ దశలో ఉంది. ఈ సినిమాలో డ్యుయల్ రోల్ చేస్తోన్న బాలయ్య మూడు డిఫరెంట్ షేడ్స్‌లో కనిపిస్తారట. అందులో ఒకటి అఘోరా పాత్ర అని తెలిసిందే.

15 నిమిషాల పాటు తెరపై కనిపించే ఈ పాత్ర ప్రేక్షకుల్ని మంత్ర ముగ్ధుల్ని చేయబోతుందట. ఇదిలా ఉండగా.. మరో పాత్రలో బాలయ్యని పవర్ ఫుల్ ఐఏఎస్ అధికారిగా చూపించబోతున్నాడట బోయపాటి. ఈ గెటప్ లో బాలయ్య లుక్ ప్రేక్షకులను ఆకట్టుకుంటుందని చెబుతున్నారు. ఈ రోల్ కి తగ్గట్లే సినిమాలో కొన్ని పవర్ ఫుల్ సీన్స్ ఉంటాయట. ఎమోషనల్, యాక్షన్ డ్రామాలను తెరకెక్కించడంలో దిట్ట అయిన బోయపాటి ఈ సినిమాకి ఫాంటసీ కూడా యాడ్ చేయబోతున్నాడు.

ఈ సినిమాతో ఎలాగైనా హిట్ అందుకొని మరోసారి సత్తా చాటాలనుకుంటున్నాడు ఈ మాస్ డైరెక్టర్. మరి ఆయన ఆశించిన సక్సెస్ అందుకుంటాడో లేదో చూడాలి!

Most Recommended Video