‘ఎన్టీఆర్ బయోపిక్’ తర్వాత నందమూరి బాలకృష్ణ హీరోగా కె.ఎస్.రవికుమార్ డైరెక్షన్లో ఓ చిత్రం చేయడానికి రెడీ అయ్యాడు. ముందుగా అభిమానులు మాత్రం బాలయ్య తరువాతి సినిమా బోయపాటి డైరెక్షన్లో ఉండబోతుందని ఆశించారు. బోయపాటి శ్రీను కూడా ఇదే విషయాన్ని పలు సార్లు చెప్పుకొచ్చాడు. మరేమయ్యిందో తెలీదు కెఎస్ రవికుమార్ వైపు తిరిగాడు బాలయ్య. ప్రముఖ నిర్మాత సి.కల్యాణ్ ఈ చిత్రాన్ని నిర్మిస్తున్నాడు. ప్రస్తుతం ఈ ప్రాజెక్ట్ కు సంబందించిన ప్రీ ప్రొడక్షన్ పనులు జరుగుతున్నాయి.
త్వరలోనే ఈ చిత్రాన్ని లాంచ్ చేసే అవకాశం ఉందని సమాచారం. ఇదిలా ఉండగా బోయపాటి బాలకృష్ణను ప్రయత్నిస్తున్నాడట. బోయపాటికి ఓ పెద్ద బ్యానర్లో ఓ పెద్ద హీరోతో సినిమా చేసే ఛాన్స్ వచ్చిందట. ఓసారి బాలకృష్ణ ను కలిసి ఈ మాట చెబుదామని, తన తాజా ప్రాజెక్టును మొదలుపెట్టాలనే ఉద్దేశాన్ని కూడా తెలుపాలని బోయపాటి నిర్ణయించుకున్నాడట. ఆఫర్ వచ్చింది కదా అని వేరే ప్రాజెక్టును మొదలెట్టేస్తే, బాలకృష్ణతో వున్న అనుబంధం దెబ్బతింటుందని భావించి ఈ నిర్ణయం తీసుకున్నాడట బోయపాటి. మరి ఈ విషయంలో బాలయ్య ఎలా రియాక్ట్ అవుతాడో తెలియాల్సి ఉంది.
Home