రామ్ పోతినేని – బోయపాటి శ్రీనుల సినిమా .. పెద్దగా పుకార్లు లేకుండానే ఓకే అయిపోయి, షూటింగ్‌ మొదలైపోయింది. కొన్ని షెడ్యూల్స్‌ కూడా అయ్యాయి అని సమాచారం. అయితే ఇక్కడే ఓ డౌట్‌. మామూలుగా మన హీరోలు ఏ కథనీ ఓ పట్టాన ఓకే చేయరు. దీనికి రామ్ కూడా ఏం అతీతం కాదు. చాలా సినిమాలు అలా ఆగి, ఆగి పూర్తిగా ఆగిపోయినవి ఉన్నాయి. అయితే ఈ సినిమా అలా కాదు. డిస్కషన్స్‌ జరుగుతున్నాయని ఇలా వార్తలొచ్చి, అలా ఓకే అయిపోయింది. దీంతో ఏం జరిగింది అనే చర్చ మొదలైంది.
రామ్ పోతినేని (రాపో) – బోయపాటి సినిమా ఇటీవల మొదలైంది. ఐటెమ్‌ సాంగ్‌ కూడా చిత్రీకరించేశారు. వీలైనంత వేగంగా సినిమాను పూర్తి చేసి వచ్చే వేసవికి విడుదల చేయాలని చిత్రబృందం ప్రయత్నాలు చేస్తోంది. అయితే ఈ కథ విషయంలో బోయపాటి చాలా రోజుల నుండి కుస్తీ పడుతున్నారని, ఒక సందర్భంలో అల్లు అర్జున్‌కి కూడా చెప్పారని వార్తలొస్తున్నాయి. అంటే బన్నీ వద్దన్న కథనే ఇప్పుడు రామ్ చేస్తున్నాడని అంటున్నారు.
‘పుష్ప’ సినిమా కంటే ముందే బన్నీకి బోయపాటి ఈ కథ చెప్పారట. కానీ సినిమా మెటీరియలైజ్‌ కాలేదు. దీంతో పక్కనపెట్టేశారు. అయితే ‘సరైనోడు’ సినిమా సమయంలో బన్నీకి బోయపాటి తొలుత ఈ కథ చెప్పారు అనే మాటలూ వినిపిస్తున్నాయి. అయితే ఇప్పుడు ఆ కథ రామ్‌కి బాగా నచ్చిందట. అందుకే ఓకే చేసి పట్టాలెక్కించేశారు. దీంతో బన్నీ ఎందుకు వద్దన్నాడు, రామ్ ఎందుకు ఎస్‌ అన్నాడు అనే ప్రశ్న మొదలైంది.
అన్నట్లు ఈ సినిమాలో రామ్ సరసన శ్రీలీల నటిస్తోంది. బాలీవుడ్‌ హాట్‌ బ్యూటీ ఊర్వశీ రౌతేలా ప్రత్యేక గీతంలో ఆడిపాడింది. బోయపాటి సినిమాల్లోని కథ మాత్రమే కాదు, ఆయన కూడా స్పీడ్‌గానే ఉంటారు. సినిమా వేగంగా పూర్తి చేయగల సమర్థుల్లో ఆయనొకరు. దీంతో సమ్మర్‌కి రావడం పక్కా, కథ సంగతి తేలడమూ పక్కా.
యశోద సినిమా రివ్యూ& రేటింగ్!
సరోగసి నేపథ్యంలో వచ్చిన సినిమాలు ఏంటంటే..?
‘కె.జి.ఎఫ్’ టు ‘కాంతార’..బాక్సాఫీస్ వద్ద అత్యధిక కలెక్షన్లు రాబట్టిన కన్నడ సినిమాల లిస్ట్..!
నరేష్ మాత్రమే కాదు ఆ హీరోలు కూడా భార్యలు ఉన్నప్పటికీ హీరోయిన్లతో ఎఫైర్లు నడిపారట..!
Home