‘చంద్రబాబు’కి బోయపాటి స్క్రిప్ట్!!!`

నారా చంద్రబాబు నాయుడు…ఆంధ్ర ప్రదేశ్ గౌరవ ముఖ్యమంత్రి వర్యులు. అయితే రాజకీయ రారాజుగా చెప్పబడే చంద్రబాబును టాలీవుడ్ టాప్ మోస్ట్ డైరెక్టర్ బోయపాటి డైరెక్ట్ చేయనున్నాడా? ఇంతకీ ఏంటి ఆ సినిమా, ఎవరు నిర్మాత? అసలు ఈ కన్ఫ్యూషన్ ఏంటి అణు అనుకుంటున్నారా??…కంగారు పడకండి బాబుగారు సినిమాల్లో నటించడంలేదు..విషయంలోకి వెళితే..టాలీవుడ్ ను శాసిస్తున్న నందమూరి బాలయ్యకి వరుస రెండు బ్లాక్ బస్టర్ హిట్స్ అందించిన దర్శకుడు బోయపాటి.

అంతేకాదు ఇప్పటివరకూ బోయపాటి తీసిన సినిమాల్లో దాదాపుగా అన్ని హిట్ సినిమాలే. ఇదిలా ఉంటే గత ఏడాదికి బోయపాటిని పిలిచి ఒక స్క్రిప్ట్ రెడీ చెయ్యమన్నారు…దేనికో అనుకోకండి…గోదావరిపుష్కరాలకు అదిరిపోయే రేంజ్‌లో సెట్టింగ్స్‌ ఏర్పాటు చేయమని.. ముఖ్యమంత్రి చంద్రబాబునాయుడు స్వయంగా పిలిచి బోయపాటికి ఛాన్స్‌ ఇచ్చారు. అయితే ఆ అవకాశాన్ని సద్వినియోగం చేసుకున్న మన దర్శకుడు అప్పట్లో బాబు ప్రశంశలను అందుకున్నాడు.

ఇప్పుడు మళ్లీ అదే క్రమంలో గోదావరి హారతికి, పుష్కరాల ప్రారంభానికి, ముగింపునకు భారీ ఏర్పాట్లు చేసి ప్రశంసలు పొందిన మన దర్శకుడు… కృష్ణా పుష్కరాలకు కూడా అదిరిపోయే రేంజ్‌లో ఏర్పాట్లుచేయాలని బాబు ఆజ్ఞ మేరకు, టైమ్ తక్కువగా ఉన్నప్పటికీ వెంటనే ప్లాన్ ఆఫ్ యాక్షన్ మొదలుపెట్టేశాడు బోయపాటి.