దర్శకుడు బోయపాటి శ్రీను డైరెక్షన్ లో తెరకెక్కే సినిమా అంటే ఆ సినిమా ఊరమాస్ సినిమా అని ప్రేక్షకులు ఫిక్స్ అవుతారు. భద్ర సినిమా నుంచి అఖండ సినిమా వరకు మాస్, యాక్షన్ కథలను మాత్రమే బోయపాటి శ్రీను తెరకెక్కించారు. అఖండ సక్సెస్ తర్వాత ఎవరైనా స్టార్ హీరోతో సినిమాను తెరకెక్కించాలని బోయపాటి శ్రీను ప్రయత్నాలు చేసినా ఆ ప్రయత్నాలు సక్సెస్ కాలేదు. అందువల్ల బోయపాటి శ్రీను రామ్ హీరోగా ఒక సినిమాను తెరకెక్కించడానికి సిద్ధమయ్యారు.
భారీ బడ్జెట్ తో శ్రీనివాస్ చిట్టూరి నిర్మాతగా తెరకెక్కుతున్న ఈ సినిమాను ఒక నెగిటివ్ సెంటిమెంట్ భయపెడుతోంది. బోయపాటి శ్రీను సీనియర్ హీరోలతో మాత్రమే సక్సెస్ లను సాధించగలరని ఇండస్ట్రీలో చాలామంది భావిస్తారు. అల్లు అర్జున్ తో తీసిన సరైనోడు మినహా యంగ్ జనరేషన్ స్టార్ హీరోలతో బోయపాటి శ్రీను తెరకెక్కించిన సినిమాలు బాక్సాఫీస్ వద్ద ఫ్లాప్ అయ్యాయి. సరైనోడు సినిమాకు సైతం రిలిజైన సమయంలో నెగిటివ్ టాక్ వచ్చింది.
క్రిటిక్స్ నుంచి సరైనోడు సినిమాకు నెగిటివ్ రివ్యూలు వచ్చాయి. సమ్మర్ లో రిలీజ్ చేయడం సరైనోడు సినిమాకు కలిసొచ్చింది. అయితే బోయపాటి శ్రీను డైరెక్షన్ లోనే తెరకెక్కిన దమ్ము, వినయ విధేయ రామ, జయ జానకి నాయక సినిమాలు ఫ్లాప్ కావడంతో పాటు నిర్మాతలకు నష్టాల్సి మిగిల్చాయి. బాలయ్యకు బ్లాక్ బస్టర్ హిట్లు ఇస్తున్న బోయపాటి శ్రీను మిగతా హీరోల సినిమాలతో అదే ఫలితాలను రిపీట్ చేయడంలో ఎక్కువసార్లు ఫెయిల్ అవుతున్నారు.
రామ్ కు అయినా బోయపాటి శ్రీను సక్సెస్ ఇస్తారేమో చూడాల్సి ఉంది. ఈ సినిమాతో కూడా సక్సెస్ సాధిస్తే మాత్రమే స్టార్ హీరోల సినిమాలకు దర్శకత్వం వహించే అవకాశం బోయపాటి శ్రీనుకు దక్కుతుందని చెప్పవచ్చు. బోయపాటి శ్రీను ఊరమాస్ కథలో రామ్ ఎలాంటి పాత్రలో కనిపిస్తారో చూడాల్సి ఉంది. ఈ సినిమాలో నటించే హీరోయిన్, ఇతర వివరాలు తెలియాల్సి ఉంది. థమన్ ఈ సినిమాకు మ్యూజిక్ డైరెక్టర్ గా ఎంపికయ్యారని సమాచారం అందుతోంది. బోయపాటి నెగిటివ్ సెంటిమెంట్ హీరో రామ్ ను కూడా భయపెడుతోందని తెలుస్తోంది.
Most Recommended Video
ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!
Home
