యాక్షన్ సినిమాల దర్శకుడు బోయపాటి శ్రీను సరైనోడు (2016) విజయంతో ఉత్సాహంగా ఉన్నారు. భద్ర (2005), తులసి(2007), సింహా (2010), దమ్ము (2012), లెజెండ్ (2014),.. ఇలా రెండేళ్లకు ఒక సినిమా తీసే బోయపాటి ఈ ఏడాది మరో సినిమాను సెట్స్ మీదకు తీసుకెళ్లనున్నారు. ఇందులో బెల్లం కొండ శ్రీనివాస్ హీరోగా, రకుల్ ప్రీత్ సింగ్ హీరోయిన్ గా ఓకే అయ్యారు. ప్రస్తుతం మిగతా ఆర్టిస్టుల వేటలో బోయపాటి శ్రీను పడ్డారు.
సరైనోడులో ఫ్యామిలీ హీరో శ్రీకాంత్ ని పెట్టి సినిమా మైలేజ్ ని పెంచారు. దీంతో బోయపాటి కన్ను స్టార్ హీరోల మీద పడింది. తన కొత్త చిత్రంలో ఒకరిద్దరినైనా పెద్ద హీరోలను పెడితే మరో బ్లాక్ బస్టర్ తన ఖాతా లో వేసుకోవచ్చని ఆలోచిస్తున్నారు. వారి ఇమేజ్ కి తగినట్లుగా కథలో మార్పులు కూడా చేస్తున్నారు. అతనికి తెలిసిన హీరోలకు కథ చెప్పారు. అయితే ఇంకా ఎవరు నటిస్తున్నారో ఫైనల్ కాలేదు. కొత్త ప్రాజెక్ట్ లో స్టార్ హీరో ఉంటే దాని పై అంచనాలు ఇప్పటి నుంచే పెరిగి పోవడం ఖాయం.
