యాక్షన్ డోస్ తగ్గించేస్తున్నావా బోయపాటి..?

బోయపాటి శ్రీను ఊర మాస్ డైరెక్టర్. రాంచరణ్ తో చేసిన ‘వినయ విధేయ రామా’ చిత్రానికి ముందు ఈయనకి ప్లాప్ లు లేవనే చెప్పాలి. ‘జయ జానకి నాయక’ చిత్రం కాస్ట్ ఫెయిల్యూర్ అయ్యిందే తప్ప.. బోయపాటి కి బ్యాడ్ నేం అయితే తీసుకురాలేదు. అయితే ‘వినయ విధేయ రామా’ చిత్రం మాత్రం పెద్ద డిజాస్టర్ కావడంతో పెద్ద హీరోలే కాదు మీడియం హీరోలు కూడా ఈయనకి మొహం చాటేశారనే చెప్పాలి. ఆ సినిమాలో మాస్ డోస్ మరీ శృతి మించిందనే కామెంట్స్ కూడా వినిపించాయి.

ఏదో కిందా మీదా పడి బాలయ్యతో సినిమా ఓకే చేయించుకున్నాడు. గతంలో వీరిద్దరి కాంబినేషన్లో ‘సింహా’ ‘లెజెండ్’ వంటి బ్లాక్ బస్టర్లు వచ్చాయి. దీంతో వీరిద్దరూ ఈసారి కచ్చితంగా హ్యాట్రిక్ కొట్టేస్తారని అభిమానులు ఆశిస్తున్నారు. ఇక ఈ చిత్రంలో యాక్షన్ ఉన్నప్పటికీ కాస్త వాస్తవానికి దగ్గరగా ఉండేలా బోయపాటి జాగ్రత్త పడుతున్నాడట. మరి ఈ చిత్రం ఏ స్థాయి విజయాన్ని సాధిస్తుందో…. దానిని బట్టే పెద్ద హీరోలు బోయపాటి శ్రీను కి అవకాశాలు ఇచ్చే ఛాన్స్ ఉంటుంది అనడంలో సందేహం లేదు.

విజిల్ సినిమా రివ్యూ & రేటింగ్!
ఖైదీ సినిమా రివ్యూ & రేటింగ్!