Thimmarusu Movie: బ్రహ్మాజీ డైలాగ్ కు థియేటర్లో నవ్వులే నవ్వులు!

సత్యదేవ్ నటించిన ‘తిమ్మరుసు’ సినిమా తాజాగా ప్రేక్షకుల ముందుకు వచ్చిన సంగతి తెలిసిందే. లాక్ డౌన్ కారణంగా ఇన్నాళ్లు సినిమాలను థియేటర్లో చూడలేకపోయాం. కానీ ఇప్పుడిప్పుడే సినిమాలను థియేటర్లో విడుదల చేస్తున్నారు. ఈ క్రమంలో విడుదలైన ‘తిమ్మరుసు’కి ప్రేక్షకుల నుండి మిశ్రమ స్పందన వస్తోంది. ఇదిలా ఉండగా.. ఈ సినిమాలో ఓ డైలాగ్ ఇప్పుడు హాట్ టాపిక్ గా మారింది. నిజానికి క్రైమ్ థ్రిల్లర్ కథల్లో సీరియస్ నెస్ ను మెయింటైన్ చేయడం కోసం కామెడీకి పెద్దగా ప్రాధాన్యత ఇవ్వరు.

అయితే ‘తిమ్మరుసు’ సినిమాలో మాత్రం బ్రహ్మాజీ పాత్ర ద్వారా కామెడీని పండించారు. సుధాకర్ పాత్రలో బ్రహ్మాజీ కామెడీ పండించారు. అతడి ప్రతి పంచ్ కు థియేటర్లో రెస్పాన్స్ మాములుగా లేదు. ఓ సందర్భంలో హీరోతో పాటు కొబ్బరి బొండం తాగుతూ ‘తియ్యగుందీ’ అనే డైలాగ్ వేస్తాడు. దీనికి థియేటర్స్ లో రెస్పాన్స్ ఓ రేంజ్ లో వచ్చింది. ఈ డైలాగ్ తో నారా లోకేష్ బాబుని గుర్తు చేశారు బ్రహ్మాజీ. గత ఎన్నికల సమయంలో మంగళగిరి పర్యటనలో ఓ పెద్దావిడ మజ్జిగ ఇవ్వగా..

దానిని తాగుతూ ‘ఏం వేశావు ఇందులో.. చక్కెరా.. తియ్యగుందీ’ అంటూ తనదైన స్టైల్ లో చెప్పాడు. ఈ విషయంలో లోకేష్ పై బాగా సెటైర్లు పడ్డాయి. పంచదార వేయకపోతే తియ్యగా ఉండక.. ఉప్పగా ఉంటుందా అంటూ నెటిజన్లు ఆడేసుకున్నారు. ఇప్పుడు ఆ డైలాగ్ ను ‘తిమ్మరుసు’ డైరెక్టర్ వాడేశాడు.

Most Recommended Video

ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!