Brahmastra Collections: ‘బ్రహ్మాస్త్రం’ మొదటి రోజే బ్రేక్ ఈవెన్ కి దగ్గరైన ‘బ్రహ్మాస్త్రం’..!

September 10, 2022 / 03:14 PM ISTByFilmy Focus

Join Us

Brahmastra Collections: ‘బ్రహ్మాస్త్రం’ మొదటి రోజే బ్రేక్ ఈవెన్ కి దగ్గరైన ‘బ్రహ్మాస్త్రం’..!

బాలీవుడ్ స్టార్ హీరో రణ్‌భీర్ క‌పూర్ హీరోగా అలియా భట్ హీరోయిన్ గా అయాన్ ముఖ‌ర్జీ ద‌ర్శ‌క‌త్వంలో సుమారు రూ.400 కోట్ల భారీ బ‌డ్జెట్ తో తెరకెక్కిన మూవీ ‘బ్రహ్మాస్త్ర’. పాన్ ఇండియా మూవీగా రూపొందిన ‘బ్రహ్మాస్త్ర’… హిందీతో పాటు తెలుగు, త‌మిళ‌, క‌న్న‌డ‌, మల‌యాళ భాషల్లో సెప్టెంబర్ 9న గ్రాండ్ గా రిలీజ్ అయ్యింది. తెలుగులో ఈ చిత్రం ‘బ్రహ్మాస్త్రం'( మొదటి భాగం శివ) పేరుతో రిలీజ్ అవ్వగా ….

స్టార్ స్టూడియోస్‌, ధ‌ర్మ ప్రొడ‌క్ష‌న్స్‌, ప్రైమ్ ఫోక‌స్‌, స్టార్ లైట్ పిక్చ‌ర్స్ బ్యానర్స్‌ కలిసి ఈ చిత్రాన్ని నిర్మించాయి. తెలుగులో రాజమౌళి సమర్పకులుగా వ్యవహరిస్తుండడం.. నాగార్జున కూడా ఈ మూవీలో ఓ కీలక పాత్ర పోషించడం,చిరంజీవి వాయిస్ ఓవర్ అందించడంతో ఈ మూవీ పై అంచనాలు పెరిగాయి. దీంతో మొదటి రోజే ఈ చిత్రం భారీ వసూళ్లను సాధించి బ్రేక్ ఈవెన్ కి చేరువైంది. ఒకసారి ఫస్ట్ డే కలెక్షన్స్ ని గమనిస్తే :

నైజాం	1.80 cr
సీడెడ్	0.40 cr
ఉత్తరాంధ్ర	0.40 cr
ఈస్ట్	0.28 cr
వెస్ట్	0.18 cr
గుంటూరు	0.25 cr
కృష్ణా	0.13 cr
నెల్లూరు	0.12 cr
ఏపీ + తెలంగాణ (టోటల్)	3.56 cr

‘బ్రహ్మాస్త్రం’ చిత్రానికి తెలుగు రాష్ట్రాల్లో.. తెలుగు మరియు హిందీ వెర్షన్లతో కలుపుకుని రూ.4.55 కోట్ల థియేట్రికల్ బిజినెస్ జరిగింది. ఈ చిత్రం బ్రేక్ ఈవెన్ అవ్వాలి అంటే రూ.4.8 కోట్ల వరకు షేర్ ను రాబట్టాల్సి ఉంటుంది. మొదటి రోజు ఈ చిత్రానికి రూ.3.56 కోట్ల షేర్ నమోదైంది. బ్రేక్ ఈవెన్ కి మరో రూ.1.24 కోట్ల షేర్ ను రాబట్టాల్సి ఉంది.

టాక్ సరిగ్గా లేకపోయినా.. ముందు నుండీ నెలకొన్న హైప్ కారణంగా ఈ మూవీకి తొలిరోజు భారీ కలెక్షన్లు నమోదైనట్టు స్పష్టమవుతుంది. శని, ఆదివారాలు స్టడీగా రాణిస్తే బ్రేక్ ఈవెన్ అయ్యే ఛాన్స్ లు ఎక్కువగా ఉన్నాయి.