జూన్ చివరి వారం లో శ్రీవిష్ణు, నివేథా థామ‌స్ `బ్రోచేవారెవ‌రురా`

June 11, 2019 / 12:46 PM ISTByFilmy Focus

Join Us

జూన్ చివరి వారం లో శ్రీవిష్ణు, నివేథా థామ‌స్ `బ్రోచేవారెవ‌రురా`

శ్రీవిష్ణు, నివేదా థామ‌స్ ప్ర‌ధాన పాత్ర‌ల్లో న‌టించిన చిత్రం `బ్రోచేవారెవ‌రురా`. ఈ చిత్రం జూన్ 28న విడుద‌ల కానుంది. వివేక్ ఆత్రేయ ద‌ర్శ‌క‌త్వం వ‌హించిన చిత్ర‌మిది. శ్రీవిష్ణు, వివేక్ ఆత్రేయ కాంబినేష‌న్‌లో వ‌స్తోన్న రెండో చిత్రం `బ్రోచేవారెవ‌రురా` కావ‌డం గ‌మ‌నార్హం. `చ‌ల‌న‌మే చిత్ర‌ము… చిత్ర‌మే చ‌ల‌న‌ము` అనేది ఈ చిత్రానికి ఉప‌శీర్షిక‌. ఇటీవ‌ల విడుద‌లైన టీజ‌ర్‌కు చాలా మంచి స్పంద‌న వ‌స్తోంది. క్రియేటివ్ నెరేష‌న్‌ను, ఆర్టిస్టిక్ అంశాల‌కు జ‌నాలు ఫిదా అవుతున్నారు. స‌త్య‌దేవ్‌, నివేతా పెతురాజ్ ఈ చిత్రంలో కీల‌క పాత్ర‌ల్లో క‌నిపిస్తారు. ప్రియ‌ద‌ర్శి, రాహుల్ రామ‌కృష్ణ స‌పోర్టింగ్ రోల్స్ చేశారు. వివేక్ సాగ‌ర్ స్వ‌రాలందించారు.

ఈ చిత్రం షూటింగ్ పూర్త‌యింది. ప్ర‌స్తుతం నిర్మాణానంత‌ర ప‌నులు శ‌ర‌వేగంగా జ‌రుగుతున్నాయి. ఈ చిత్రాన్ని మ‌న్యం ప్రొడ‌క్ష‌న్స్ ప‌తాకంపై విజ‌య్ కుమార్ మ‌న్యం నిర్మిస్తున్నారు.`బ్రోచేవారెవ‌రురా` ట్రైల‌ర్, ఆడియో విడుద‌ల గురించి త్వ‌ర‌లోనే నిర్మాత ప్ర‌క‌టించ‌నున్నారు.