అన్నదమ్ముల కథలతో హిట్ అందుకుంటున్న మెగా హీరోలు

చిరంజీవి, నాగబాబు, పవన్ కళ్యాణ్ లు మెగా బ్రదర్స్ గా పేరు తెచ్చుకున్నారు. వారి మధ్య ఎన్ని గొడవలు వచ్చినా.. ఎవరెన్ని సృష్టించినా.. అనుబంధం చెదరలేదు.. చెరిగిపోదు. అలాగే అన్నదమ్ముల అనుబంధం కథాంశంతో మెగా హీరోలు సినిమాలు చేస్తే గురి తప్పడం లేదు. విజయం వారిని వరిస్తుంది. గతంలో మెగాస్టార్ చిరంజీవి అన్నదమ్ముల సెంటిమెంట్‌తో నటించిన ‘విజేత’, ‘గ్యాంగ్ లీడర్’, ‘హిట్లర్’, ‘అన్నయ్య’ వంటి చిత్రాలు సూపర్ హిట్ అయ్యాయి. అదేవిధంగా ఆయన తమ్ముడు పవన్ కళ్యాణ్ కూడా బ్రదర్ సెంటిమెంట్‌తో చేసిన ‘తమ్ముడు’ మూవీ విజయం సాధించింది.

మరో మెగా ఫ్యామిలీ హీరో అల్లు అర్జున్‌కి అన్నదమ్ముల కథాంశం కలక్షన్ల వర్షం కురిపించింది. అన్న సెంటిమెంట్ తో చేసిన ‘రేసుగుర్రం’ ఘన విజయాన్ని సాధించింది. తాజాగా మెగా పవర్ స్టార్ రామ్ చరణ్ తేజ్ కి కూడా బ్రదర్ సెంటిమెంట్ బాగా కలిసి వచ్చింది. పాతికేళ్ల క్రితం పల్లెటూరి లో జరిగే కథతో తెరకెక్కిన “రంగస్థలం” చిత్రంలో రామ్ చరణ్, ఆది పినిశెట్టి ల మధ్య అన్నదమ్ముల అనుబంధం అందరినీ కన్నీరు పెట్టించింది. విజయం తెచ్చి పెట్టింది. సో మిగిలిన మెగా హీరోలు కూడా బ్రదర్ సెంటిమెంట్ కథలపై దృష్టి పెడితే హిట్ వరిస్తుందేమో చూడాలి.