Bubblegum Trailer Review: సుమ కొడుకు సినిమా ‘బబుల్ గమ్’ ట్రైలర్ ఎలా ఉందంటే?

స్టార్ యాంకర్ సుమ కనకాల కొడుకు రోషన్ కనకాల హీరోగా పరిచయమవుతూ చేసిన సినిమా ‘బబుల్‌గమ్’. ‘క్షణం’ ‘కృష్ణ అండ్ హిజ్ లీల’ వంటి డీసెంట్ సక్సెస్ లు అందుకున్న దర్శకుడు రవికాంత్ పేరేపు ఈ చిత్రానికి దర్శకుడు. ‘పీపుల్ మీడియా ఫ్యాక్టరీ’తో కలిసి మహేశ్వరి మూవీస్ బ్యానర్ వారు నిర్మిస్తున్న ఈ సినిమా డిసెంబర్ 29న విడుదల కానుంది. శ్రీచరణ్ పాకాల ఈ చిత్రానికి సంగీత దర్శకుడు. ఇప్పటికే విడుదలైన టీజర్, పాటలు యూత్ ను బాగానే ఆకట్టుకున్నాయి.

ఇక రిలీజ్ డేట్ దగ్గరపడుతుండటంతో ప్రమోషన్ల జోరు మరింతగా పెంచారు. కొద్దిసేపటి క్రితం ‘బబుల్‌గమ్’ ట్రైలర్ ను కూడా విడుదల చేశారు మేకర్స్ ‘బబుల్‌గమ్’ ట్రైలర్ విషయానికి వస్తే.. ఇది 2 నిమిషాల 42 సెకన్ల నిడివి కలిగి ఉంది. తన తలరాతను, విధిరాతను తనకు నచ్చినట్టు మార్చుకోవాలని తపించే ఓ కుర్రాడి జీవితంలో ప్రేమ, శత్రుత్వం వంటి పరిస్థితులు ఎదురైతే.. వాటిని అతను సమర్థవంతంగా ఎదుర్కొన్నాడా లేదా అనే థీమ్ తో ఈ సినిమా రూపొందినట్లు ట్రైలర్ చెబుతుంది.

సుమ కొడుకు, హీరో రోషన్ యాక్షన్ సన్నివేశాల్లో, రొమాంటిక్ సన్నివేశాల్లో , ఎమోషనల్ సన్నివేశాల్లో.. బాగా నటించినట్టు ఈ ట్రైలర్ చెబుతుంది. శ్రీచరణ్ పాకాల మరోసారి బ్యాక్ గ్రౌండ్ మ్యూజిక్ తో ఆకట్టుకోవడానికి రెడీ అయ్యాడు అనే హింట్ కూడా ఈ ట్రైలర్ ఇచ్చింది. హీరోయిన్ మానస చౌదరి తన గ్లామర్ తో కూడా ఆకట్టుకునేలా కనిపిస్తుంది. ట్రైలర్ (Bubblegum) అయితే ప్రామిసింగ్ గానే అనిపిస్తుంది. మీరు కూడా ఓ లుక్కేయండి :

హాయ్ నాన్న సినిమా రివ్యూ & రేటింగ్!!

‘ఎక్స్ట్రా ఆర్డినరీ మెన్’ సినిమా రివ్యూ & రేటింగ్!
టాలీవుడ్ స్టార్ హీరోయిన్స్ లో దాగున్న టాలెంట్స్ ఏంటో తెలిస్తే షాక్ అవ్వాల్సిందే..!