ఆ రోజుల్లో చిరంజీవి పాటలు వింటే, చూస్తే ఇప్పటికీ ఊగిపోతారు అభిమానులు. అంతగా ఉర్రూతలూగిస్తుంటాయి అప్పటి పాటలు. దీంతో మెగా కుటుంబం నుండి వస్తున్న హీరోలు చిరంజీవి పాటలను రీమేక్‌ చేసి ఇన్‌స్టంట్‌ హిట్‌ కొట్టేస్తుంటారు. అలాంటివారిలో రామ్‌చరణ్‌, సాయితేజ్‌ ముందున్నారు. అయితే ఇటీవల కాలంలో ఈ ఇద్దరూ అలాంటి పని మానేశారు. అయితే ఇప్పుడు ఆ ట్రెండ్‌ అల్లు అర్జున్‌ స్టార్ట్ చేస్తాడా? అవుననే అంటున్నాయి టాలీవుడ్‌ వర్గాలు.
‘పుష్ప’ సినిమాలో చిరంజీవి హిట్‌ పాటను వాడుకుంటున్నారని తెలుస్తోంది. దానికి అల్లు అర్జున్‌ అదిరిపోయే స్టెప్పులు వేస్తాడని తెలుస్తోంది. అయితే మొత్తం పాటను రీమేక్‌ చేస్తున్నారా? లేక ‘అల వైకుంఠపురములో’ తరహాలో చిన్న బిట్‌ను వాడుకుంటున్నారా అనేది తెలియలేదు. రెండోది అయితే ఓకే, చాలామంది హీరోలు చేసే పనే ఇది. అయితే రీమిక్స్‌/రీమేక్‌ అంటే ఆలోచించాలి. చిరంజీవి పాటలు బాగున్నా, వాటిని చక్కగా మలిస్తేనే బాగుంటుంది. లేదంటే ‘ఇంటెలిజెంట్‌’ సినిమా పాటలా మారుతుంది.
‘పుష్ప’ విషయానికొస్తే సినిమాను రెండు భాగాలు విడుదల చేయనున్న విషయం తెలసింది. కొవిడ్‌ పరిస్థితులు సద్దుమణుగుతుండటంతో త్వరలో సినిమా చిత్రీకరణలు ప్రారంభిస్తారని తెలుస్తోంది. ఈ క్రమంలో వీలైనంత త్వరగా తొలి పార్టు సిద్ధం చేయడంపైనే సుకుమార్‌ దృష్టి పెట్టారట. నిజానికి అక్టోబరులో తొలి పార్టు రావాల్సి ఉంది. కానీ ఇప్పుడు ఆ పరిస్థితి కనిపించడం లేదు. సంక్రాంతి అంటున్నారు… క్లారిటీ రావాల్సి ఉంది.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
