ప్రభాస్ కెరీర్ ని ఇక నుంచి బాహుబలికి ముందు, తర్వాత అని లెక్కకడుతారు. రాజమౌళి చెక్కిన ఈ మూవీ యంగ్ రెబల్ స్టార్ ని ఇండియన్ స్టార్ ని చేసింది. ఐదేళ్ల శ్రమను బాహుబలి ఫలితం దూది పింజల్లా ఎగరగొట్టింది. ఆ ఆనందాన్ని ప్రభాస్ ఇప్పుడు ఆస్వాదిస్తున్నారు. అమెరికాలో విశ్రాంతి తీసుకుంటున్న ప్రభాస్ తాజాగా ఓ జాతీయ మీడియాకి ఇంటర్వ్యూ ఇచ్చారు. అందులో అనేక ఆసక్తికర సంగతులు చెప్పారు. ‘‘రాజమౌళిగారి మీద నాకు గౌరవం, నమ్మకం ఉన్నాయి. నేను బాహుబలికి న్యాయం చేయగలనని ఆయన నా మీద పెట్టుకున్న నమ్మకం నాకు చాలా గొప్పది.
ఆయన ఐదేళ్లు కాదు ఏడేళ్లు అడిగినా ఇచ్చేవాణ్ణి. ఓ నటుడిగా బాహుబలి నాకు ఎంతో ఇచ్చింది. అది నేను మాటల్లో వర్ణించలేను. ఓ పాత్రగా, సినిమాగా బాహుబలి ఎప్పుడూ నాతోనే ఉంటుంది.” అని వివరించారు. ఇంకా బాహుబలి పరిశ్రమల్లో తెచ్చిన మార్పు గురించి మాట్లాడుతూ… “బాహుబలి సినిమా చాలా మంది దర్శక.. నిర్మాతల్లో కొత్త ఆశలు రేపింది. ఏ భాషలో తీసినా, బాగుంటే అందరూ ఆదరిస్తారని బాహుబలి నిరూపించింది. అందుకే భారీ బడ్జెట్ సినిమాలు ఊపందుకున్నాయి” అని వివరించారు.
Also, do SUBSCRIBE to our YouTube channel to get latest Tollywood updates.
