మహేష్ రికార్డు అందుకోవడం బన్నీకి అయ్యేపనేనా?

ఈ ఏడాది సంక్రాంతికి థియేటర్స్ లో కాసుల వర్షం కురిసింది. ఇద్దరు బడా స్టార్స్ మహేష్, బన్నీ బాక్సాఫీస్ వద్ద పోటీ పడడం జరిగింది. అనూహ్యంగా వీరిద్దరు నటించిన రెండు చిత్రాలు భారీ విజయాన్ని నమోదు చేసుకున్నాయి. ఐతే కలెక్టన్స్ పరంగా మహేష్ సరిలేరు నీకెవ్వరు కంటే బన్నీ అల వైకుంఠపురంలో మూవీ ఎక్కువ సాధించింది. అల వైకుంఠపురంలో మూవీ నాన్ బాహుబలి రికార్డ్స్ నమోదు చేసింది. కాగా ఈ చిత్రం మొదటిసారి బుల్లితెరపై ప్రసారం కానుంది.

ఈ చిత్ర శాటిలైట్ రైట్స్ దక్కించుకున్న సన్ నెట్వర్క్స్ ఆదివారం సాయంత్రం 6:30 నిమిషాలకు ప్రసారం చేయనుంది. ఐతే వెండితెరపై ప్రభంజనం రేపిన ఈ చిత్రం బుల్లి తెరపై కూడా అదే జోరు సాగిస్తుందా అనేది ఆసక్తికరంగా మారింది. అలాగే బుల్లితెరపై మహేష్ సరిలేరు నీకెవ్వరు చిత్రంతో నెలకొల్పిన ఆల్ టైం రికార్డు బద్దలు కొడతాడా లేదా అనే చర్చ మొదలైంది. కొన్నాళ్ల క్రితం జెమినీ లోనే ప్రసారమైన సరిలేరు నీకెవ్వరు 23.4 టీఆర్పీ దక్కించుకొని ఆల్ టైం టాప్ రికార్డు నమోదు చేసింది.

అప్పటి వరకు 22.7 టీఆర్పీతో బాహుబలి 2 పేరిట ఉన్న రికార్డును సరిలేరు నీకెవ్వరు అధిగమించింది. కాగా ఈ రికార్డు ఇప్పుడు బన్నీ అల వైకుంఠపురంలో మూవీతో బీట్ చేస్తాడా అనేది చూడాలి. వెండితెరపై మహేష్ పై పైచేయి సాధించిన అల్లు అర్జున్ బుల్లితెరపై కూడా ఆ ఊపు కొనసాగిస్తాడో లేదో చూడాలి.

Most Recommended Video

నిహారిక-చైతన్య నిశ్చితార్ధ వేడుకలో మెగాహీరోల సందడి..!
మన తెలుగు సినిమాలు ఏవేవి బాలీవుడ్లో రీమేక్ అవ్వబోతున్నాయంటే?
క్రేజీ హీరోలను లాంచ్ చేసే అవకాశాన్ని మిస్ చేసుకున్న డైరెక్టర్లు?