‘నానీస్ గ్యాంగ్ లీడర్’ తో నాని ఆ ఫీట్ ను సాధిస్తాడా?

గతేడాది ‘కృష్ణార్జున యుద్ధం’ ‘దేవదాస్’ వంటి రెండు ప్లాపులు మూటకట్టుకున్నాడు నాని. ఈ ఏడాది ‘జెర్సీ’ చిత్రంతో హిట్టందుకుని మళ్ళీ ఫామ్లోకి వచ్చాడు. అయితే ఆ సినిమాలో నాని మార్క్ ఎంటర్టైన్మెంట్ మిస్సయ్యిందని చాలా మంది కామెంట్స్ చేశారు. దీంతో ఈసారి ఎలాగైనా కమర్షియల్ సక్సెస్ అందుకోవాలని నాని తెగ ట్రై చేస్తున్నాడు. తన మేజికల్ స్క్రీన్ ప్లే తో జనాల్ని కట్టిపడేసే విక్రమ్.కె.కుమార్ డైరెక్షన్లో చేస్తున్న ‘నానీస్ గ్యాంగ్ లీడర్’ చిత్రం పైనే నాని గట్టి ఆశలు పెట్టుకున్నాడు.

అంతేకాదు ఈ చిత్రం పై చాలా కాన్ఫిడెంట్ గా ఉన్నాడు. ఇక ప్రేక్షకుల్లో కూడా ఈ చిత్రం పై మంచి ఇంట్రెస్ట్ చూపిస్తున్నారు. పాటలు బాగున్నాయి.. టీజర్, ట్రైలర్లు కూడా ఆకట్టుకున్నాయి. ఇక ఈ చిత్ర నిర్మాణ సంస్థ అయిన ‘మైత్రి మూవీ మేకర్స్’ వారు ‘నానీస్ గ్యాంగ్ లీడర్’ ను వరల్డ్ వైడ్ గా భారీ ఎత్తున రిలీజ్ చేస్తున్నారు. నాని కెరీర్ లోనే అత్యధిక థియేటర్స్ లో ఈ చిత్రాన్ని విడుదల చేస్తున్నారు. ఓవర్సీస్ ముఖ్యంగా యూఎస్ లో 200 లోకేషన్స్ లో నాని సినిమా సందడి చేయబోతుంది. ఇప్పటి వరకూ నాని కెరీర్లో ఆరు 1 మిలియన్ డాలర్లను సాధించిన సినిమాలున్నాయి. ఇప్పుడు ‘నానీస్ గ్యాంగ్ లీడర్’ తో 2 మిలియన్ ని అందుకుంటాడేమో చూడాలి. ఇప్పటికే నానికి పోటీ హీరో అయిన విజయ్ దేవరకొండ ఆ ఫీట్ ను ‘గీత గోవిందం’ చిత్రంతో సాధించాడు.