కన్నడ రాకింగ్ స్టార్ యష్ కేజీఎఫ్ సినిమా ఇండియన్ సినిమాని షేక్ చేసిన సంగతి తెలిసిందే. అందుకే, ఇప్పుడు ఫ్యాన్స్ అందరూ కూడా కేజీఎఫ్ చాప్టర్ 2 కోసం ఎంతగానో ఎదురుచూస్తున్నారు. గరుడని వేసేసిన తర్వాత రాఖీభాయ్ ఏం చేశాడు.. ఎలా కేజీఎఫ్ ని సొంతం చేస్కున్నాడు అనేది వాయిస్ ఓవర్ పైన మాత్రమే చూపించి వదిలేశారు. అయితే, ఇప్పుడు కేజీఎఫ్ చాప్టర్ 2 లో కథని ఎక్కడ్నుంచి మొదలుపెడాతారు..? తిరిగి ఎక్కడ ముగిస్తారు అనేది చాలా ఆసక్తికరంగా మారింది. బాహుబలి కట్టప్పని ఎందుకు చంపాడు అంటే బాహుబలి పార్ట్ 2 కి ఎలాగైతే అభిమానులు ఎదురుచూశారో అంతకుమించి ఇప్పుడు ఈసినిమాకోసం సినిమా లవర్స్ వెయిట్ చేస్తున్నారు అంటే అది అతిశయోక్తికాదు.
టాలీవుడ్, కోలీవుడ్, మాలీవుడ్, బాలీవుడ్ , శాండిల్ వుడ్ ఇలా అన్ని భాషల్లో ఈ సినిమాకి మైండ్ బ్లోయింగ్ క్రేజ్ అనేది ఏర్పడింది. ఈ టైమ్ లో సినిమా టీజర్ ని కొత్త సంవత్సరంలో సంక్రాంతి కానుకగా రిలీజ్ చేయబోతున్నట్లుగా పోస్టర్ రిలీజ్ చేసింది మూవీ టీమ్. కేజీఎఫ్2 టీజర్ ని జనవరి 8న లాంఛ్ చేయబోతున్నట్లుగా పోస్టర్ రిలీజ్ చేయడంతో అభిమానుల్లో అంచనాలు భారీగా పెరిగిపోయాయి. ఇందుకు కారణం ఏంటంటే., ప్రశాంత్ నీల్ చేసిన ట్వీట్ అనే చెప్పాలి.
ఇంతదూరం చేరుకోవడానికి ఏడాది సమయం పట్టిందని, అయితే మరింత బలంగా, పెద్దగా, భీకరంగా ముందుకొస్తున్నామని ప్రశాంత్ నీల్ ట్వీట్ చేశాడు. ఈ ట్వీట్ తో సినిమా ఈసారి 1000కోట్లు కొల్లగొట్టే సూచనలు కనిపిస్తున్నాయనే అనిపిస్తోంది. ప్రస్తుతం ప్రశాంత్ నీల్ ప్రస్తుతం ఈ సినిమా షూటింగ్ ని రామోజీ ఫిల్మ్ సిటీలో తెరకెక్కిస్తున్నారు.ఏకంగా 150 కోట్ల బడ్జెట్ తో భారీ క్యాస్టింగ్ తో తెరకెక్కుతున్న ఈ సినిమాలో మెయిన్ విలన్ అధీరా పాత్రలో బాలీవుడ్ స్టార్ సంజయ్ దత్ నటిస్తున్న సంగతి తెలిసిందే. పవర్ ఫుల్ పొలిటికల్ లీడర్ పాత్రలో రవీనా టాండన్ కనిపించబోతుంది. ఇక రాఖీభాయ్ రావడమే ఆలస్యం యూట్యూబ్ షేక్ అయిపోవడం పక్కా అనే అంటున్నారు సినీ లవర్స్ అందరూ.
Most Recommended Video
2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!
Home
