రాజు దెబ్బకి రవితేజ కంట్లో పడింది…

‘గౌతమ్ నంద, నేనే రాజు నేనే మంత్రి’ చిత్రాల్లో సెకండ్ హీరోయిన్ గా నటించిన కేతరీన్ ఆ తర్వాత ‘జయ జానకి నాయక’ చిత్రంలో ఐటెమ్ సాంగ్ చేసింది. పేమెంట్స్ బాగున్నా.. ఇప్పటివరకూ సరైన సినిమాలో సింగిల్ హీరోయిన్ గా నటించే అవకాశం దక్కకపోవడంతో ఒకింత నిరాశలో ఉన్న కేతరీన్ కు సూపర్ ఛాన్స్ వచ్చింది. అది కూడా రవితేజ లాంటి స్టార్ హీరో సరసన. రవితేజ కథానాయకుడిగా తమిళ చిత్రం “బోగన్” తెలుగులో రీమేక్ అవుతున్న విషయం తెలిసిందే. తమిళ వెర్షన్ ను డైరెక్ట్ చేసిన లక్ష్మణ్ తెలుగు వెర్షన్ ను కూడా డైరెక్ట్ చేయనున్నాడు. ఓ ప్రముఖ నిర్మాణ సంస్థ నిర్మించనున్న ఈ చిత్రం రెగ్యులర్ షూటింగ్ త్వరలోనే ప్రారంభం కానుంది.

ఇకపోతే.. సినిమాలో బోలెడు హాట్ సీన్స్ ఉన్నట్లు సమాచారం. గ్లామర్ డోస్ విషయంలో ఎలాంటి మొహమాటం చూపని కేతరీన్ సదరు సన్నివేశాల్లో విశేషంగా అలరించనుందని, అందుకోసం తన స్ట్రక్చర్ ను మరింత సెక్సీగా ప్రిపేర్ చేసుకొంటోంది. మరి ఈ సినిమా తర్వాత అయినా కేతరీన్ కు మరిన్ని మెయిన్ హీరోయిన్ రోల్స్ వస్తాయేమో చూడాలి!

Also, do SUBSCRIBE to our YouTube channel to get latest Tollywood updates.