గత రెండ్రోజులుగా “బోగన్” తెలుగు రీమేక్ లో హీరోయిన్ గా కేతరీన్ ను కాజల్ రీప్లేస్ చేసిందని, సినిమాకి పెద్ద హీరోయిన్ అయితే సినిమా స్కోప్ కూడా పెరగడంతోపాటు రవితేజతో కాజల్ కి ఉన్న కెమిస్ట్రీని దృష్టిలో ఉంచుకొని దర్శకనిర్మాతలు ఈ నిర్ణయం తీసుకొన్నారని రకరకాల కథనాలు సోషల్ మీడియాలో, వెబ్ సైట్లలో హల్ చల్ చేసిన విషయం తెలిసిందే. దాదాపుగా అన్నీ పాపులర్ వెబ్ సైట్స్ తోపాటు డెక్కన్ క్రానికల్ లాంటి హై సర్కులేషన్ కలిగిన న్యూస్ పేపర్ లోనూ ఈ వార్త ప్రముఖంగా ప్రచురితమయ్యేసరికి జనాలందరూ నిజమేనేమో అని నమ్మేశారు.
కట్ చేస్తే.. కాస్త లేట్ గా ఈ హడావుడిని గుర్తించిన కేతరీన్ మేనేజింగ్ టీం స్పందించి “కేతరీన్ ను కాజల్ రీప్లేస్ చేసింది” అని వస్తున్న వార్తల్లో నిజం లేదు. అది కేవలం కల్పితం మాత్రమే. కేతరీన్ తో ఆల్రెడీ అగ్రిమెంట్ కూడా అయిపోయింది. సో, రీప్లేస్ చేసే అవకాశం అస్సల్లేదు అంటూ స్టేట్ మెంట్ ఇచ్చారు.నిప్పు లేనిదే పొగరాదు అన్నట్లు మరి ఒక్కసారిగా గుప్పుమన్న ఈ వార్తలో నిజమెంతో, అబద్ధమెంతో తెలియాలంటే సినిమా అఫీషియల్ లాంచ్ వరకూ వెయిట్ చేయాల్సిందే. ఎందుకంటే.. సినిమా అఫీషియల్ గా లాంచ్ అప్పుడే కదా హీరోయిన్ ఎవరనేది దర్శకనిర్మాతలు ప్రకటించేది.
