స్పైడర్ సినిమాపై ప్రముఖుల కామెంట్స్

కమర్షియల్ డైరక్టర్ మురుగదాస్ డైరెక్షన్లో సూపర్ స్టార్ మహేష్ బాబు నటించిన ‘స్పైడర్’ నిన్న రిలీజ్ అయి సూపర్ హిట్ టాక్ సొంతం చేసుకుంది. ఠాగూర్ మధు సమర్పణలో ఎన్.వి.ఆర్. సినిమా, ఎల్ఎల్పి, రిలయన్స్ ఎంటర్టైన్మెంట్ పతాకాలపై ఎన్.వి.ప్రసాద్ వందకోట్లతో నిర్మించిన ఈ మూవీని చూసి అభిమానులే కాదు సినీ ప్రముఖులు సైతం చిత్ర యూనిట్ ని అభినందిస్తున్నారు. ట్విట్టర్ వేదికపై కొంతమంది స్టార్స్ పంచుకున్న అభిప్రాయాలు….

అభినందనలు “మహేశ్‌ అభిమానులకు అభినందనలు. లండన్‌లో పెద్ద హిట్‌ అయ్యింది. స్టైల్‌, యాక్షన్‌ సీక్వెన్స్‌ గురించి ఎక్కువగా మాట్లాడుకుంటున్నారు. ‘స్పైడర్‌’ యూనిట్‌కు శుభాకాంక్షలు’ – నరేశ్‌

అద్భుత నటన ‘ఉత్కంఠభరితమైన, ఆసక్తికరమైన సినిమా ‘స్పైడర్‌’. ఎ.ఆర్‌. మురుగదాస్‌ స్పైసీ నరేషన్‌లో మహేశ్‌బాబు అద్భుతంగా నటించారు’. – వంశీ పైడిపల్లి

మెరిసిన మహేష్ ‘ఎ.ఆర్‌. మురుగదాస్‌ ప్రతి ప్రేక్షకుడి అభిరుచిని గౌరవిస్తూ ‘స్పైడర్‌’ను తెరకెక్కించారు. మహేశ్‌బాబు ప్రతి ఫ్రేమ్‌లోనూ మెరిసిపోయారు. తన నటన, అందంతో ఆకట్టుకున్నారు. తమిళ చిత్ర పరిశ్రమకు స్వాగతం సర్‌”. – విగ్నేష్‌ శివాన్‌

డెడికేషన్ “మహేశ్‌బాబు చాలా అంకితభావంతో నటిస్తుంటారు”. – రాహుల్‌ రవీంద్ర

విజన్ సూపర్ “నిజాయతీగా తీసిన సినిమా ‘స్పైడర్‌’. మహేశ్‌బాబు పరిధి పెరిగింది. ఎస్‌.జె. సూర్య అద్భుతంగా నటించారు. ఎ.ఆర్‌. మురుగదాస్‌ మీ విజన్‌ ఎప్పుడూ బాగుంటుంది”. – గోపీచంద్‌ మలినేని