రామోజీ మనవరాలి పెళ్లి వేడుకకు హాజరైన ప్రముఖులు వీళ్లే!

రామోజీ గ్రూప్ ఛైర్మన్ రామోజీరావు గురించి ప్రత్యేకంగా పరిచయం చేయాల్సిన అవసరం లేదు. ప్రముఖ మీడియా దిగ్గజంగా, వ్యాపారవేత్తగా పాపులారిటీని సంపాదించుకున్న రామోజీరావు మనవరాలు బృహతి వివాహ వేడుక హైదరాబాద్ లో గ్రాండ్ గా జరిగింది. వరుడి పేరు వెంకట్ అక్షయ్ కాగా వధువు బృహతి ఈనాడు ఎండీ కిరణ్, మార్గదర్శి ఎండీ శైలజ రెండో కూతురు. హిందూ సంప్రదాయాల ప్రకారం రాత్రి 12.18 గంటలకు జీలకర్ర బెల్లం కార్యక్రమం జరిగింది.

సర్వాంగ సుందరంగా కళ్యాణ వేదికను తీర్చిదిద్దగా ఎంతోమంది సినీ, రాజకీయ ప్రముఖులు ఈ వేడుకకు హాజరయ్యారు. అతిరథ మహారథులు ఈ వివాహ వేడుకకు హాజరై వధూవరులను ఆశీర్వదించారు. ఈ వేడుకకు సుప్రీం కోర్టు ప్రధాన న్యాయమూర్తి ఎన్వీ రమణ, ఉపరాష్ట్రపతి వెంకయ్య నాయుడు దంపతులు, హర్యానా గవర్నర్ బండారు దత్తాత్రేయ, తెలంగాణ సీఎం కేసీఆర్, మాజీ సీఎం చంద్రబాబు నాయుడు, జనసేన అధినేత పవన్ కళ్యాణ్, టీడీపీ ప్రధాన కార్యదర్శి లోకేష్, కేంద్ర పర్యాటక శాఖ మంత్రి కిషన్ రెడ్డి హాజరయ్యారు.

ఈ వేడుకకు సినీ ప్రముఖులు సూపర్ స్టార్ రజనీకాంత్, మెగాస్టార్ చిరంజీవి, అశ్వనీదత్, మురళీ మోహన్, అల్లు అరవింద్, మోహన్ బాబు, రాజమౌళి, బోయపాటి శ్రీను, వైవీఎస్ చౌదరి, రాఘవేంద్ర రావు, రాజశేఖర్, నరేష్, విష్ణు, అలీ, రాజేంద్ర ప్రసాద్, సాయి కుమార్, సింగర్ సునీత, జయసుధ, యమున, జీవిత, రమా రాజమౌళి, అక్కినేని నాగసుశీల, జెమినీ కిరణ్, కే.ఎల్. నారాయణ, శ్యామ్ ప్రసాద్ రెడ్డి యాంకర్లు ఉదయభాను, సుమ హాజరయ్యారు.

విద్యా సంస్థల అధినేతలు, వైద్య నిపుణులు, వ్యాపార దిగ్గజాలు వివాహ వేడుకకు హాజరై నూతన వధూవరులను ఆశీర్వదించారు. తెలంగాణ రాష్ట్ర మంత్రులు, ఎంపీలు, ఎమ్మెల్యేలు, ఎమ్మెల్సీలు నూతన దంపతులకు ఆశీస్సులను అందించారు. అక్షయ్ బృహతిల వివాహ వేడుకకు సంబంధించిన ఫోటోలు నెట్టింట వైరల్ అవుతున్నాయి. రామోజీరావు ఈ వివాహ వేడుక కోసం కోట్ల రూపాయలను ఖర్చు చేశారని తెలుస్తోంది.

1

2

3

4

5

6

7

8

9

10

11