టాలీవుడ్‌కి క్యాస్టింగ్‌ కౌచ్‌ అనేది పెద్ద కొత్త విషయం ఏమీ కాదు. చాలా ఏళ్లుగా ఈ ఆరోపణలు వస్తున్నాయి, వాటి మీద ఆ వేడిలో కొన్ని కామెంట్స్‌ వినిపిస్తాయి, ఆ తర్వాత అంతా కామ్‌. అసలు సమస్య ఎక్కడా అనేది పక్కనపెట్టేసి.. ఆ ఒక్క విషయం గురించి ఆలోచించి వదిలేస్తుంటారు. తాజాగా మరోసారి టాలీవుడ్‌ స్టార్ హీరో ఒకరిపై ఇలాగే తమిళ నటి విచిత్ర కొన్ని ఆరోపణలు చేశారు. 2000 – 2001 సమయంలో తానో తెలుగు సినిమాలో నటించానని, ఆ హీరో తనను గదికి రమ్మన్నాడని ఆరోపించారు.
అయితే ఈ క్రమంలో విచిత్ర ఆ హీరో పేరు కానీ, సినిమా పేరు కానీ చెప్పలేదు. అయితే సోషల్‌ మీడియాలో మాత్రం ఆ హీరో నందమూరి బాలకృష్ణనే అంటూ తీర్మానించేసింది. వాట్సాప్ యూనివర్సిటీల్లో, ఫేస్‌బుక్‌ ప్రపంచంలో దీని గురించి వీడియోలు, ఫొటోలు వైరల్ అవుతున్నాయి. అయితే వాళ్లు ఆ పేరు పక్కాగా చెప్పేయడానికి కారణం… విచిత్ర ఆ సమయంలో నటించిన ఏకైన తెలుగు చిత్రం ‘భలేవాడివి బాసూ’ సినిమానే. నందమూరి కుటుంబం నుండి చాలా కాలం తర్వాత హీరోగా సినిమా చేస్తూ ప్రేక్షకులు ముందుకొస్తున్న చైతన్య కృష్ణ దగ్గర ఓ విలేఖరి ఈ విషయం గురించి ప్రస్తావించారు.
ఈ క్రమంలో ఆ విషయాన్ని ఖండించిన చైతన్య కృష్ణ… ఫక్తు రాజకీయ శైలి కామెంట్‌ ఒకటి చేశారు. ‘ఆయన అలాంటివాడు కాదు. మాకు తెలుసు, మీకు కూడా తెలుసు’ అని చెబితే సరిపోయేదానికి పాలిటిక్స్‌ పంచ్‌ ఒకటి ఇచ్చాడు. దీంతో ఆ కామెంట్లు ఇప్పుడు వైరల్ అవుతున్నాయి. చైతన్య కృష్ణ మాటలు చూస్తే ఎవరికైనా అలానే అనిపించే అవకాశం ఉంది అంటూ నెటిజన్లు కామెంట్లు చేస్తున్నారు. ‘‘విచిత్ర ఆరోపణలు గురించి విన్నాను. ఆయన అలా వల్గర్‌గా ప్రవర్తించరు.
మా ఫ్యామిలీలో దీని గురించి మాట్లాడుకుంటూ (Balakrishna) బాబాయ్‌ ఇమేజిని డ్యామేజ్ చేయాలని కొంతమంది చూస్తున్నారు చూస్తున్నారు. వరుసగా మూడు సినిమాలు హిట్లు కొట్టి హ్యాట్రిక్ సాధించారు కదా. అందుకే ఇలాంటి ఆఓపణలు వస్తున్నాయి’’ అని రాజకీయ స్టైల్‌ విచిత్ర కామెంట్లు చేశారు. ఇక చైతన్య కృష్ణ సంగతి చూస్తే… గూగుల్‌ ప్రకారం ఆయన 20 ఏళ్ల క్రితం ‘ధమ్‌’ అనే సినిమా చేశారు. ఆ తర్వాత ఇన్నాళ్ల గ్యాప్‌ తర్వాత ఇప్పుడు ‘బ్రీత్‌’ అనే సినిమా చేస్తున్నారు.
ఆదికేశవ్ సినిమా రివ్యూ & రేటింగ్!
కోట బొమ్మాళీ పి.ఎస్ సినిమా రివ్యూ & రేటింగ్!
సౌండ్ పార్టీ సినిమా రివ్యూ & రేటింగ్!
