Chalaki Chanti: ‘జబర్దస్త్’ పై షాకింగ్ కామెంట్స్ చేసిన చలాకి చంటి..!

‘జబర్దస్త్’ షో ద్వారా క్రేజ్ సంపాదించుకుని సినిమాల్లో అవకాశాలు అందుకుంటున్న వారు ఎంతో మంది ఉన్నారు. కానీ ఇప్పుడు ‘జబర్దస్త్’ అంటే ఆ షో మాకేమి ఇవ్వలేదు అన్నట్టు మాట్లాడుతున్నారు. ఈ మధ్య కాలంలో ‘జబర్దస్త్’ నుండి చాలా మంది బయటకు వెళ్లిపోయారు. వాళ్లంతా కూడా ‘మల్లెమాల’ సంస్థను తెగ తిడుతున్న సందర్భాలు కూడా మనం చూశాం. కిరాక్ ఆర్పీ చేసిన కామెంట్లు ఇంకా మర్చిపోకముందే… హైపర్‌ ఆది, సుడిగాలి సుధీర్‌ లాంటి స్టార్ కమెడియన్లు పరోక్షంగా జబర్దస్త్ పై సెటైర్లు వేసిన సంగతి తెలిసిందే.

ఈ మధ్యనే షో నుండి బయటకు వెళ్లిపోయిన అనసూయ సైతం.. ‘ 2 ఏళ్లుగా జబర్దస్త్ నుండి బయటకి వచ్చేయాలని ప్రయత్నిస్తున్నట్టు,అలాగే అక్కడి బాడీ షేమింగ్ కామెంట్లు, వెకిలి చేష్టలు, డబుల్ మీనింగ్ డైలాగులు భరించలేకపోయేదాన్ని’ ఆమె కామెంట్లు చేసిన సంగతి తెలిసిందే. తాజాగా చలాకి చంటి కూడా ఇప్పుడు తనకున్న పాపులారిటీ ‘జబర్దస్త్‌’ వల్ల వచ్చింది కాదంటూ షాకింగ్ కామెంట్స్ చేశాడు. ఓ ఇంటర్వ్యూలో భాగంగా చలాకి చంటికి ఓ ప్రశ్న ఎదురైంది.

‘జబర్దస్త్‌’ ఆర్టిస్టులకి సినిమా అవకాశాలు పెద్దగా రావని, సినిమాల విషయంలో ‘జబర్దస్త్’ ఆర్టిస్టులు మోసపోతుంటారు, స్క్రిప్ట్ చెప్పేటప్పుడు ఉన్న పాత్ర నిడివి సెట్స్‌పైకి వెళ్ళాక ఉండదని అంటుంటారు అది నిజమేనా?’ అంటూ యాంకర్ అడిగిన ప్రశ్నకు… చలాకీ చంటి బదులిస్తూ… “నాకు ‘జబర్దస్త్’ వల్ల పేరు రాలేదు.

ఎందుకంటే నేను సినిమాలు చేసిన తర్వాతే ‘జబర్దస్త్’ కి వెళ్ళాను. సినిమాల గురించి నాకు తెలుసు కాబట్టి నేనేమి మోసపోలేదు. బహుశా మిగతా వాళ్ళకి అది తెలియకపోవడం వల్ల అలా జరుగుతుందేమో.! నేను ‘జబర్దస్త్’ కి వెళ్ళక ముందే 20 సినిమాలు చేశాను. ఆ తర్వాత జబర్దస్త్‌కు వెళ్ళాను. స్కిట్‌ వేరు, సినిమా వేరు.. ఆ తేడా నాకు తెలుసు” అంటూ చెప్పుకొచ్చాడు. అతని కామెంట్స్ ప్రస్తుతం వైరల్ గా మారాయి.

‘సీతా రామం’ చిత్రానికి సంబంధించి బెస్ట్ డైలాగ్స్..!

Most Recommended Video

తరుణ్,ఎన్టీఆర్ టు కళ్యాణ్ రామ్.. సినిమాల్లో చనిపోయే పాత్రలు చేసిన స్టార్లు..!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?