నాగార్జునతో సినిమా పై క్లారిటీ ఇచ్చిన దర్శకుడు చందూ మొండేటి!

అభిమానులే దర్శకులు అయితే ఎలా ఉంటుందో ఇప్పటికే ‘ఠాగూర్’ తో వినాయక్,’సింహా’ తో బోయపాటి, ‘సర్కారు వారి పాట’ తో పరశురామ్, ‘విక్రమ్’ తో లోకేష్ కనగరాజన్ వంటి వారు చూపించారు. కేవలం తమకు ఇష్టమైన హీరోని డైరెక్ట్ చేయడం కోసమే సినీ ఫీల్డ్ పై ప్రేమ పెంచుకుని… ఇందులో ఎంటర్ అయ్యి ఎన్నో కష్టాలు అవమానాలు పడి చివరికి తమ అభిమాన హీరోతో సినిమా చేసే స్థాయికి వెళ్లారు ఈ దర్శకులు.

అయితే ‘కార్తికేయ’ ‘ప్రేమమ్’ చిత్రాల దర్శకుడు చందూ మొండేటి కూడా నాగార్జునకి వీరాభిమాని. ఈ విషయాన్ని చాలా సందర్భాల్లో అతను తెలియజేశాడు. ‘ప్రేమమ్’ చిత్రంలో నాగార్జున చిన్న గెస్ట్ రోల్ ఇవ్వడం కూడా జరిగింది. ఆల్రెడీ నాగ చైతన్యతో రెండు సినిమాలు కూడా తీశాడు. మరి నాగార్జున తో సినిమా ఎప్పుడు అనే ప్రశ్నకు అతను సమాధానం చెప్పకుండా చాలా సార్లు కథ సెట్ అవ్వాలి అంటూ మాట దాటేశాడు.

అయితే ‘కార్తికేయ2’ ప్రమోషన్స్ లో భాగంగా ‘అలీతో సరదాగా’ షోలో పాల్గొన్న చందూ మొండేటి ఈ విషయంపై స్పందించి ఓ క్లారిటీ ఇచ్చేశాడు.నాగార్జున గారి కోసం ‘విక్రమ్’ లాంటి సినిమా తీస్తాను. ఆల్రెడీ ఆయన కోసం పవర్ ఫుల్ పోలీస్ ఆఫీసర్ కథ అనుకున్నాను. స్క్రిప్ట్ ను రెడీ చేసిన తర్వాత ఆయన్ని కలుస్తాను అంటూ చెప్పుకొచ్చాడు చందూ మొండేటి.

అంతేకాదు నాగార్జునకు చందూకి మధ్య అప్పుడప్పుడు కథా చర్చలు జరుగుతుంటాయని కూడా ఈ యంగ్ డైరెక్టర్ చెప్పుకొచ్చాడు. ‘కార్తికేయ2’ హిట్ అయితే చందూ… నాగ్ సినిమా పనులు మొదలుపెడతానని చెప్పుకొచ్చాడు చందూ. నాగార్జున కూడా యంగ్ డైరెక్టర్స్ తో పని చేయడానికి ఇంట్రెస్ట్ చూపిస్తూనే ఉన్నాడు. ప్రస్తుతం ‘ఘోస్ట్’ చిత్రంలో నటిస్తూ బిజీగా గడుపుతున్నారు నాగ్.

రామారావు ఆన్ డ్యూటీ సినిమా రివ్యూ & రేటింగ్!

Most Recommended Video

అసలు ఎవరీ శరవణన్.. ? ‘ది లెజెండ్’ హీరో గురించి ఆసక్తికర 10 విషయాలు..!
ఈ 10 మంది దర్శకులు ఇంకా ప్లాపు మొహం చూడలేదు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?