‘చెక్’ డైరెక్టర్ కి భారీ ఛాన్స్!

సినిమా ఇండస్ట్రీలో ఉన్న క్రియేటివ్ అండ్ టాలెంటెడ్ డైరెక్టర్లలో చంద్రశేఖర్ ఏలేటి ఒకరు. ఆయన తీసిన సినిమాలు కమర్షియల్ సక్సెస్ అందుకున్నాయా లేదా అనే విషయాన్ని పక్కన పెడితే.. దర్శకుడిగా తను అనుకున్న కథను ప్రేక్షకులకు చెప్పడంలో నూటికి నూరు శాతం సక్సెస్ అయ్యాడు. మొదటి నుండి కూడా ఆయనది భిన్నమైన శైలి. కానీ మన దగ్గర కమర్షియల్ సక్సెస్ మాత్రమే వర్కవుట్ అవుతుంది. అవకాశాలు తీసుకొస్తుంది. అందుకే ఏలేటి అనుకున్న స్థాయిలో గుర్తింపు తెచ్చుకోలేకపోయాడు.

‘మనమంతా’ సినిమా తరువాత ఆయన నుండి మరో సినిమా రావడానికి నాలుగు ఏళ్లు దాటేసింది. నితిన్ హీరోగా చంద్రశేఖర్ ఏలేటి రూపొందించిన ‘చెక్’ సినిమా వచ్చే శుక్రవారం ప్రేక్షకుల ముందుకు రానుంది. ఈ సినిమా తన కెరీర్ కి కలిసొస్తుందని ఈ దర్శకుడు భావిస్తున్నాడు. ఇక నుండి వరుస సినిమాలు తీస్తానని ఆయన చెప్పడం విశేషం. ప్రస్తుతం టాలీవుడ్ లో టాప్ బ్యానర్ గా దూసుకుపోతున్న మైత్రి మూవీ మేకర్స్ లో ఓ సినిమా చేయబోతున్నట్లు ఏలేటి స్వయంగా వెల్లడించారు.

ఆ సినిమాలో ఓ పేరున్న హీరో నటిస్తాడని చెప్పారు. దీంతో పాటు మరో సినిమా కూడా కమిట్ అయ్యానని.. ఆ వివరాలు త్వరలోనే వెల్లడిస్తానని చెప్పారు. మైత్రిలో ఏలేటి సినిమా అంటే కచ్చితంగా స్పెషల్ గా ఉంటుందని నమ్ముతున్నారు. మరి ఈ సినిమాతోనైనా చంద్రశేఖర్ ఏలేటి స్టార్ స్టేటస్ అందుకుంటాడేమో చూడాలి. ఇక ‘చెక్’ సినిమా విషయానికొస్తే.. పదిహేనేళ్ల క్రితం చిన్న ఐడియా రూపంలో పుట్టిన కథను.. ఇన్నేళ్ల తరువాత సినిమాగా రూపొందించామని చంద్రశేఖర్ ఏలేటి చెప్పుకొచ్చాడు.

Most Recommended Video

పిట్ట కథలు సిరీస్ రివ్యూ & రేటింగ్!
నాంది సినిమా రివ్యూ & రేటింగ్!
పొగరు సినిమా రివ్యూ & రేటింగ్!