ఎన్టీఆర్ బయోపిక్ లో నటించే అవకాశం అందుకొన్న దర్శకుడు!

“మహానటి” చిత్రంలో క్రిష్, తరుణ్ భాస్కర్ లాంటి దర్శకులు నిన్నటితరం దర్శకులుగా నటించిన తర్వాత బయోపిక్స్ లో డైరెక్టర్స్ రోల్స్ ను నేటితరం దర్శకులు ప్లే చేయడం కామన్ అయిపోయింది. ఇప్పుడు ఈ లిస్ట్ లో ప్రముఖ దర్శకుడు చంద్ర సిద్ధార్ధ్ కూడా చేరనున్నాడు. ఎన్టీఆర్ కి సూపర్ హిట్ బ్లాక్ బస్టర్స్ ఇవ్వడంతోపాటు ఆయన రాజకీయ రంగప్రవేశం తర్వాత కూడా సినిమాల పరంగా ఆయన వెన్నంటి ఉన్న దర్శకరత్న దాసరి నారాయణరావు పాత్రలో చంద్రసిద్ధార్ధ్ కనిపించనున్నారు. త్వరలోనే ఆయన లుక్ ను విడుదల చేయనున్నారు.

కాగా.. నిన్న విడుదలైన చేసిన పోస్టర్ లో సావిత్రిగా నిత్యామీనన్ లుక్ ప్రేక్షకుల్ని విశేషంగా ఆకట్టుకొంది. కీర్తి సురేష్ కంటే సావిత్రి పాత్రకి నిత్యామీనన్ పర్ఫెక్ట్ గా సరిపోయిందని నెటిజన్లు వ్యాఖానిస్తుండగా.. కీర్తి సురేష్ కంటే బెటర్ గా అయితే లేదని ఇంకొందరు వ్యాఖ్యానిస్తున్నారు. ఆల్రెడీ ఈ సినిమాలో బోలెడంత మంది స్టార్ హీరోహీరోయిన్లు ఉండగా.. ఇప్పుడు ఈ డైరెక్టర్లు జాయిన్ అవ్వడంతో సినిమా రేంజ్ రోజురోజుకీ పెరుగుతోంది.