Charmi: హాట్ టాపిక్ గా మారిన ఛార్మి పోస్ట్… అదంతా ఫేక్ అట..!

September 8, 2022 / 06:49 PM ISTByFilmy Focus

Join Us

Charmi: హాట్ టాపిక్ గా మారిన ఛార్మి పోస్ట్… అదంతా ఫేక్ అట..!

నీ తోడు కావాలి చిత్రంతో టాలీవుడ్ కు పరిచయమైన ఛార్మీ అటు తర్వాత చాలా సినిమాల్లో నటించింది. వెంకటేష్ తో లక్ష్మీ, నాగార్జున తో మాస్, బాలకృష్ణ తో అల్లరి పిడుగు, ఎన్టీఆర్ తో రాఖీ వంటి స్టార్ హీరోల చిత్రాల్లో నటించిన ఛార్మీ మంత్ర, గౌరి వంటి పలు హిట్ సినిమాల్లో కూడా నటించింది. అయితే స్టార్ హీరోల సినిమాల్లో ఈమె చేసినవి అన్నీ సెకండ్ హీరోయిన్ పాత్రలు.

అందుకే మంచి అందం, అభినయం ఉన్నా, అద్భుతంగా డాన్స్ లు చేయగలిగినా స్టార్ హీరోయిన్ రేంజ్ కు చేరుకోలేకపోయింది. ఆ తర్వాత బుడ్డా హోగా తేరా బాప్(హిందీ), జ్యోతి లక్ష్మి వంటి చిత్రాలలో నటించి దర్శకుడు పూరి జగన్నాథ్ కు దగ్గరైంది. అప్పటి నుండీ వీళ్లిద్దరూ కలిసి పూరి కనెక్ట్స్ ( పిసి) అనే బ్యానర్ ను స్థాపించి సినిమాలు రూపొందిస్తున్నారు. ఈ క్రమంలో వచ్చిన ఇస్మార్ట్ శంకర్ హిట్ అయ్యింది. కానీ రీసెంట్ గా చేసిన లైగర్ పెద్ద డిజాస్టర్ అయ్యింది.

దీంతో పూరి కనెక్స్ట్ బ్యానర్ కు ఆమె దూరం కాబోతున్నట్లు ప్రచారం జరిగింది. ఈ మధ్యనే పూరి కనెక్ట్స్ అఫిషియల్ సోషల్ మీడియా ఖాతా కొన్నాళ్ళు ఆఫ్ లైన్ కు వెళ్ళబోతున్నట్టు ప్రకటించడంతో ఈ వార్తలకు బలం చేకూరినట్టు అయ్యింది.మరోపక్క కే.సి.ఆర్ కూతురు కల్వకుంట్ల కవిత లైగర్ కు తన బ్లాక్ మనీని పెట్టుబడి పెట్టినట్టు కూడా కథనాలు పుట్టుకొచ్చాయి.

వీటికి ఛార్మి స్పందించింది. ఫేక్ వార్తలకు RIP రూమర్స్ అంటూ చెప్పి పూరి కనెక్ట్స్ బ్యానర్ పై అనౌన్స్ చేసిన ప్రాజెక్టుల పై దృష్టి పెట్టినట్టు ఆమె తన సోషల్ మీడియా ద్వారా వెల్లడించింది.