సిట్ ముందుకు ఛార్మి

డ్రగ్స్ కేసు విచారణ గత వారం నుంచి వేగంగా సాగుతోంది. అనుమానితులను రోజుకొకరు చొప్పున  ఎక్సైజ్ కార్యాలయంలో ప్రత్యేక దర్యాప్తు బృందం (సిట్) విచారిస్తోంది. విచారణ ఏడో రోజు (నేడు) సినీనటి చార్మి ని విచారిస్తున్నారు. నలుగురు బౌన్సర్ల భద్రత మధ్య ఛార్మి నాంపల్లిలోని సిట్‌ కార్యాలయానికి చేరుకున్నారు. చార్మిని హైకోర్టు ఆదేశాలతో ఉదయం 10 నుంచి సాయంత్రం అయిదు గంటల వరకూ విచారణ చేయనున్నారు. ఒకవేళ హైకోర్టు ఇచ్చిన సమయంలో విచారణ పూర్తి కాకుంటే ఆమెను రేపు (గురువారం) కూడా ప్రశ్నించే అవకాశం ఉంది.

డ్రగ్స్‌ ముఠాతో పాటు, సినీ ప్రముఖులతో సంబంధాలపై మహిళా అధికారుల బృందం ఆమెను విచారణ చేయనున్నారు. ఆమె కెల్విన్ కి చేసిన మెసేజ్ లు, ఇద్దరు కలిసి ఉన్న ఫోటోలు పోలీసుల దగ్గర ఉన్నట్లు సమాచారం. ఈ ఆధారాలతో ఛార్మి నుంచి మరింత సమాచారం రాబట్టే ఆస్కారం ఉంది. ఛార్మి నుంచి రక్త నమూనాను సేకరించే అవకాశం ఉంది.

Also, do SUBSCRIBE to our YouTube channel to get latest Tollywood updates.