హీరోయిన్ గా అవకాశాలు తగ్గిపోతున్న సమయంలో ఛార్మిని నటిగా నిలబెట్టడానికి డైరక్టెర్ పూరి జగన్నాథ్ చాలా కష్టపడ్డారు. ఉమన్ ఓరియెంటెడ్ సినిమా జ్యోతిలక్ష్మి తీశారు. ఈ చిత్రంలో వేశ్యగా ఛార్మి అద్భుతమైన పర్ఫార్మెన్స్ ఇచ్చింది. ఈ సినిమా ఆమెకు అభినందనలు తెచ్చిపెట్టినప్పటికీ.. అవకాశాలను మాత్రం తీసుకురాలేకపోయింది. అయినా కూడా పూరి ఛార్మిని వదల్లేదు. పూరి కనక్ట్స్ అనే కంపెనీని పెట్టి.. దాని బాధ్యతలను ఛార్మి చేతులో పెట్టారు. టాలీవుడ్ కి అందమైన భామలను అందించడమే ఈ కంపెనీ లక్ష్యం. ఈ బాధ్యతను ఛార్మి చక్కగా నెరవేర్చింది. పూరి తీసిన పైసా వసూల్, మెహబూబా సినిమాలకు లేడీ ఆర్టిస్టులను సరఫరా చేసింది.
అయితే మెహబూబా పూరికి ఉన్న ఇమేజ్ ని పాతాళానికి తోసేసింది. రెమ్యునరేష్ తీసుకోకుండా పని చేస్తానని చెప్పినా నిర్మాతలు ముందుకు రావడం లేదు. మంచి సినిమా తీస్తానని మొత్తుకున్నా స్టార్ హీరోలు పూరి కి దరిదాపుల్లో రావడం లేదు. దీంతో డీలా పడిపోయిన పూరికి ఛార్మి అండగా నిలుస్తోంది. తనకున్న పరిచయంతో ఓ స్టార్ హీరోని పూరితో సినిమా చేయించడానికి ఒప్పించిన్నట్టు ఫిలిం నగర్ వాసులు చెప్పారు. ఈ ఛాన్స్ తో పూరి మళ్లీ హిట్ ట్రాక్ లోకి రావాలని చూస్తున్నారు. ఈ చిత్ర వివరాలు త్వరలోనే బయటికి రానున్నాయి.
